පළාත් පත්රයක පළ වූ පුවතක දැක්වෙන පරිදි පාර්ලිමේන්තු මන්ත්රීවරුන් 13 දෙනෙකුට සහ බොදු බල සේනා සංවිධානයේ ප්රධාන ලේකම් පූජ්ය ගලගොඩඅත්තේ ඥානසාර හිමිට විශේෂ ආරක්ෂාවක් ලබා දී ඇති බවට පළ වූ වාර්තා ශ්රී ලංකා පොලිසිය තරයේ ප්රතික්ෂේප කර තිබේ.
රාජ්ය පුවත්පතක් වන ‘දිනමිණ’ වාර්තා කළ පරිදි, විශේෂ ආරක්ෂක දිසාව භාර ජ්යෙෂ්ඨ නියෝජ්ය පොලිස්පති දිනේෂ් කරුණාරත්න මහතාගේ අත්සනින් යුතුව නිකුත් කර ඇති නිල නිවේදනයක සඳහන් වන්නේ අදාළ පුද්ගලයන්ට එවැනි කිසිදු විශේෂ ආරක්ෂාවක් ලබා දී නොමැති බවයි. අශෝක රන්වල, සරත් කුමාර, අජිත් ශාන්ත ප්රියදර්ශන, රුවන් විජේවීර, තිලංක යූ. ගමගේ, සුනිල් බියන්වල, දිනේෂ් හේමන්ත යන ආණ්ඩු පක්ෂ මන්ත්රීවරුන්, නියෝජ්ය කතානායක වෛද්ය මොහොමඩ් රිස්වි යාලි, විපක්ෂ මන්ත්රීවරුන් වන රංජිත් මද්දුමබණ්ඩාර සහ එච්.එල්. ධර්මසේන මෙන්ම පූජ්ය ගලගොඩඅත්තේ ඥානසාර හිමි යන අයගේ නම් අදාළ පුවත්පතේ සඳහන්ව තිබුණ ද, ඔවුන් කිසිවකුටත් එවැනි ආරක්ෂාවක් දී නොමැති බව පොලිසිය අවධාරණය කරයි.
