අන්තර්ජාලය හරහා සිදු කෙරෙන වංචාකාරී ක්රියාවලියක් පිළිබඳව ශ්රී ලංකා පොලිසිය ජනතාවට හදිසි අනතුරු ඇඟවීමක් නිකුත් කර තිබේ. මෙම වංචාව ප්රධාන වශයෙන් ක්රියාත්මක වන්නේ ඊමේල් (Email) පණිවිඩ මගිනි.
වංචාකරුවන් අදාළ ආයතනවල නමින් ව්යාජ ඊමේල් එවමින් පාරිභෝගිකයින්ව නොමඟ යැවීමට උත්සාහ කරයි. මෙහිදී ඔවුන් භාවිතා කරන ප්රධාන උපායමාර්ගයක් වන්නේ ඊමේල් පණිවිඩයේ දර්ශනය වන නම (Display Name) පමණක් පෙන්වා සැබෑ ඊමේල් ලිපිනය (Email Address) වසන් කිරීම හෝ වෙනස් කිරීමයි.
මේ සම්බන්ධයෙන් පොලිසිය ලබාදී ඇති ප්රධාන උපදෙස් වන්නේ:
ඕනෑම ආයතනයකින් ලැබෙන ඊමේල් පණිවිඩයකදී එහි දර්ශනය වන නම පමණක් නොව, සැබෑ ඊමේල් ලිපිනය ඉතා හොඳින් නිරීක්ෂණය කරන ලෙස දන්වා ඇත.
වංචාකරුවන් බොහෝ විට ඊමේල් ලිපිනයන්හි ඉතා සියුම් අකුරු වෙනස්කම් සිදු කරයි. උදාහරණයක් ලෙස ‘m’ අකුර වෙනුවට ‘rn’ අකුරු පෙළ භාවිතා කිරීම වැනි ක්රම මගින් ඔබව නොමඟ යැවීමට ඔවුන් උත්සාහ කරයි.
එබැවින් ඕනෑම ඊමේල් පණිවිඩයකට ප්රතිචාර දැක්වීමට හෝ එහි අමුණා ඇති ලිපි ගොනු (Attachments) සහ සබැඳි (Links) ක්ලික් කිරීමට පෙර එහි සැබෑ ලිපිනය පිළිබඳව සැක හැර දැනගන්නා ලෙස පොලිසිය වැඩිදුරටත් අවධාරණය කරයි.
