එතනෝල් නිෂ්පාදනය, කාර්මික කටයුතු සහ සත්ත්ව ආහාර සඳහා භාවිත කරනු ලබන සහල් ප්රමාණය පිළිබඳ නිවැරදි හෝ තහවුරු කළ දත්ත පද්ධතියක් නොමැති බව රජයේ මුදල් පිළිබඳ කාරක සභා රැස්වීමේදී අනාවරණය වී තිබේ.
එම දත්ත නොමැති වීම හේතුවෙන් සහල් සැපයුම හා ඉල්ලුම තක්සේරු කිරීම අසම්පූර්ණ වී ඇති අතර, එය ආනයන තීරණවල නිවැරදිභාවයට බලපෑ හැකි බව කාරක සභාව පෙන්වා දෙයි. මේ නිසා, මිනිස් පරිභෝජනයට මෙන්ම සත්ත්ව ආහාර හා කාර්මික කටයුතු සඳහා භාවිත කරනු ලබන සහල් ප්රමාණය පිළිබඳ තහවුරු කළ සතිපතා දත්ත වාර්තා කිරීමේ යාන්ත්රණයක් කෘෂිකර්ම දෙපාර්තමේන්තුව සහ වෙළෙඳ අමාත්යංශය එක්ව පිහිටුවිය යුතු බවට කාරක සභාව තීන්දු කර ඇත. මෙම ක්රමවේදය හරහා සහල් ආනයන අවශ්යතා පිළිබඳ නිවැරදි තක්සේරුවක් සහතික කර ගැනීමට හැකිවනු ඇතැයි ද කාරක සභාව අපේක්ෂා කරයි.
