ශ්රී ලංකාව තුළ ත්රස්තවාදයට මුදල් සැපයීම වැළැක්වීම සහ ජාතික ආරක්ෂාව තහවුරු කිරීමේ අරමුණින් “ඉලක්කගත මූල්ය සම්බාධක” (Targeted Financial Sanctions – TFS) ක්රියාත්මක කිරීමට ආරක්ෂක අමාත්යාංශය පියවර ගෙන තිබේ. මෙම නව ක්රමවේදය මගින් ත්රස්තවාදයට සම්බන්ධ හෝ මූල්ය සහය දක්වන පුද්ගලයන්ගේ සහ සංවිධානවල බැංකු ගිණුම්, දේපළ ඇතුළු සියලුම වත්කම් සම්පූර්ණයෙන් අත්හිටුවීමට (Freeze) බලධාරීන්ට හැකියාව ලැබෙනු ඇත.
එක්සත් ජාතීන්ගේ ආරක්ෂක මණ්ඩල යෝජනා 1373 අනුව ක්රියාත්මක වන මෙම වැඩපිළිවෙළ යටතේ, අදාළ වත්කම් විකිණීම හෝ මාරු කිරීම ද නීතියෙන් තහනම් වේ. විදේශ කටයුතු අමාත්යවරයා වෙත පැවරී ඇති බලතල අනුව මෙම සම්බාධක පනවනු ලබන අතර, එහි මෙහෙයුම් කටයුතු මෙහෙයවීම සඳහා ආරක්ෂක අමාත්යාංශ ලේකම්වරයා “නිසි බලධාරියා” ලෙස පත් කර ඇත. ත්රස්තවාදය මුල් අවස්ථාවේදීම මැඩපැවැත්වීම සහ රටේ මූල්ය පද්ධතියේ පවිත්රතාව රැක ගැනීම මෙම පියවරෙහි ප්රධාන අරමුණයි.
මහජනතාව දැනුවත් කිරීම සහ ක්රියාවලියේ විනිවිදභාවය තහවුරු කිරීම සඳහා www.competentauthority.gov.lk
නමින් නිල වෙබ් අඩවියක් ද හඳුන්වා දී ඇත. මෙම නවීන නීතිමය ප්රවේශය හරහා ශ්රී ලංකාවේ සාමය සහ ස්ථාවරත්වය තවදුරටත් වර්ධනය වනු ඇතැයි අපේක්ෂා කෙරේ.
