තේ කර්මාන්තය නගා සිටුවීම සඳහා සියලු පාර්ශවකරුවන් සම්බන්ධ කර ගනිමින් පස් අවුරුදු උපාය මාර්ගික සැලසුමක් සකස් කර ඇති අතර, ඒ ඔස්සේ 2030 වනවිට තේ අපනයන ආදායම ඩොලර් බිලියන 2.5 ක් දක්වා ඉහළට ගෙන ඒමට වැවිලි සහ ප්රජා යටිතල පහසුකම් පිළිබඳ අමාත්ය සමන්ත විද්යාරත්න බලාපොරොත්තු වේ.
පසුගිය වසරේදී තේ අපනයන ආදායම ඩොලර් බිලියන 1.5ක් විය. අමාත්යවරයාගේ මූලිකත්වයෙන් ක්රියාත්මක වන කමිටුව හරහා 2030 වනවිට නිමි තේ අපනයනය කිලෝග්රෑම් මිලියන 400ක් දක්වා ඉහළ නැංවීමට සැලසුම් කර ඇත. ලංකා ඉතිහාසයේ පළමු වතාවට මෙම වසරේ මුල් මාස 04 තුළ උපයා ඇති වැඩිම අපනයන ආදායම වන ඩොලර් මිලියන 451.58කට තේ අපනයන දායක වී ඇත. තේ සංස්කෘතිය ලෝක උරුමයක් ලෙස පිළිගැනීම සඳහා යුනෙස්කෝ (UNESCO) සංවිධානය වෙත යොමු කර ඇත. “පිවිතුරු දලු ක්රියාන්විතය” හරහා සිලෝන් ටී ගම්මාන 500ක් ස්ථාපිත කිරීමට සැලසුම් කර තිබේ. දැනට කුඩා තේ වතු හිමියන් 180,000කට තේ සහනාධාර ලබාදීම සඳහා රුපියල් මිලියන 2000ක් වෙන් කර ඇති අතර, අතිරේක පොහොර සහනාධාරය සඳහා භාණ්ඩාගාරයෙන් රුපියල් මිලියන 2500ක් වෙන් කර ඇත.
