මුදල්, ක්රමසම්පාදන හා ආර්ථික සංවර්ධන අමාත්යාංශයේ රාජ්ය ණය කළමනාකරණ කාර්යාලය විසින් නිකුත් කළ 2026 පළමු කාර්තුව සඳහා වන ‘Debt Bulletin’ වාර්තාවට අනුව, ශ්රී ලංකාවේ සමස්ත ණය ප්රමාණය ඩොලර් මිලියන 102,267ක් දක්වා පහළ ගොස් තිබේ. 2025 වසර අවසානයේදී මෙම අගය ඩොලර් මිලියන 103,861ක් ලෙස සටහන්ව තිබිණි.
මෙම සමස්ත ණය ප්රමාණය තුළ මධ්යම රජයේ ණය ඩොලර් මිලියන 98,965ක්, සහතික කළ රාජ්ය ව්යවසාය ණය ඩොලර් මිලියන 3,279ක් සහ පළාත් සභා හා පළාත් පාලන ආයතනවල ණය ඩොලර් මිලියන 23ක් ලෙස දැක්වේ. විශේෂයෙන්ම, 2025 වසර අවසානයේ ඩොලර් බිලියන 100.35ක් ලෙස පැවති මධ්යම රජයේ ණය ප්රමාණය 2026 මාර්තු 31 වන විට 1.38%කින් පහළ යමින් ඩොලර් බිලියන 98.96ක් දක්වා අඩුවීම කැපී පෙනේ.
මෙම මධ්යම රජයේ ණය ප්රමාණයෙන් දේශීය ණය ඩොලර් මිලියන 61,497ක් සහ විදේශීය ණය ඩොලර් මිලියන 37,468ක් ලෙස බෙදී පවතී. 2025 වසර අවසානයේ ඩොලර් මිලියන 37,663ක් වූ විදේශීය ණය ප්රමාණය ද මෙලෙස සුළු වශයෙන් අඩු වී ඇත. 2026 පළමු කාර්තුවේදී භාණ්ඩාගාර බිල්පත් සහ බැඳුම්කර වෙනුවෙන් පොලී සහ මූලික ගෙවීම් ලෙස ඩොලර් මිලියන 7,565ක දේශීය ණය සේවාකරණයන් විශාල වශයෙන් සිදු කිරීම මෙම ණය පහළ යාම සඳහා ප්රධාන වශයෙන් බලපා තිබේ.
