වසරේ ගතවූ මාස කිහිපය තුළ සංචාරකයින් 740,000කට අධික පිරිසක් දිවයිනට පැමිණ ඇති බව ශ්රී ලංකා සංචාරක සංවර්ධන අධිකාරිය පවසයි.
එම අධිකාරිය සඳහන් කරන පරිදි, ජනවාරි සහ පෙබරවාරි මාසවල පිළිවෙලින් 277,327ක් සහ 279,328ක් වශයෙන් ඉහළ පැමිණීම් වාර්තා වී ඇත. මෙය 2025 සහ 2018 වසර දෙකටම සාපේක්ෂව සැලකිය යුතු වර්ධනයක් පෙන්නුම් කරයි. කෙසේ වෙතත්, මැද පෙරදිග කලාපයේ පවතින යුදමය තත්ත්වය හේතුවෙන් මාර්තු මාසයේදී සංචාරකයින්ගේ පැමිණීම 183,979 දක්වා පහත වැටීමක් දක්නට ලැබුණි.
මාර්තු මාසයේ පහත වැටීමක් තිබියදීත්, 2026 වසරේ පළමු කාර්තුව අවසන් වන විට සංචාරකයින්ගේ මුළු පැමිණීම් 740,634 දක්වා ළඟා වීමට හැකිවීම විශේෂත්වයකි. ඉන්දියාව, එක්සත් රාජධානිය, රුසියාව, චීනය සහ ජර්මනිය යන රටවලින් වැඩිම සංචාරකයින් පිරිසක් දිවයිනට පැමිණ ඇත.
