2026 වසරේ ජූලි මාසයේ මුල් භාගය තුළ පමණක් ශ්රී ලංකාවට පැමිණි සංචාරකයින් සංඛ්යාව 90,000 ඉක්මවා ඇති බව නවතම දත්ත වාර්තා පෙන්වා දෙයි.
ඉන්දියාව මෙරට සංචාරක කර්මාන්තයේ ප්රධානතම වෙළඳපොළ ලෙස දිගටම පවතින අතර, ජූලි මාසයේ මුල් දින කිහිපය තුළ පමණක් ඉන්දීය සංචාරකයින් 20,480ක් පැමිණ තිබේ. එය එම කාලසීමාවේ මුළු පැමිණීම්වලින් 23%ක ප්රතිශතයකි. එක්සත් රාජධානිය (9,277), චීනය (5,494), ඕස්ට්රේලියාව (5,487) සහ නෙදර්ලන්තය (4,744) පිළිවෙලින් වැඩිම සංචාරකයින් පැමිණි අනෙකුත් රටවල් වේ.
2026 වසර ආරම්භයේ සිට මේ දක්වා කාලය තුළ ශ්රී ලංකාවට පැමිණි සමස්ත සංචාරකයින් සංඛ්යාව 1,236,695ක් දක්වා ඉහළ ගොස් ඇත. ඉන්දීය සංචාරකයින් 314,163ක්, එක්සත් රාජධානියේ සංචාරකයින් 117,844ක් සහ චීන සංචාරකයින් 81,665ක් ලෙස මේ වසරේ වැඩිම සංචාරකයින් පිරිසක් වාර්තා වී ඇත්තේ එම රටවලිනි.
පසුගිය වසරේ (2025) ජූලි මාසයේදී ශ්රී ලංකාවට පැමිණි සංචාරකයින් සංඛ්යාව 200,244ක් වූ අතර, වත්මන් දත්තවලින් පෙන්නුම් කරන්නේ ශ්රී ලංකාවේ සංචාරක ක්ෂේත්රය අඛණ්ඩව වර්ධනය වෙමින් පවතින බවයි.
