දිවයිනේ බස්නාහිර, සබරගමුව, දකුණ, මධ්යම, ඌව සහ වයඹ පළාත්වල අද (16) පස්වරු 1.00 න් පසු තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරයි. බස්නාහිර සහ දකුණු පළාත්වල මෙන්ම පුත්තලම දිස්ත්රික්කයේ වෙරළබඩ කලාපවල උදෑසන කාලයේදී ද වැසි ස්වල්පයක් අපේක්ෂා කෙරේ.
විශේෂයෙන්ම සබරගමුව පළාතේත්, ගාල්ල, මාතර, මහනුවර සහ නුවරඑළිය දිස්ත්රික්කවල ඇතැම් ස්ථානවලට මිලිමීටර් 50 ට වැඩි තරමක තද වැසි ඇති විය හැකි බව එම දෙපාර්තමේන්තුව පෙන්වා දෙයි. දිවයිනේ සෙසු ප්රදේශවල ප්රධාන වශයෙන් වැසි රහිත කාලගුණයක් පැවතියද, උදෑසන කාලයේදී මධ්යම, සබරගමුව, උතුරු මැද සහ ඌව පළාත් ඇතුළු ප්රදේශ කිහිපයක මීදුම් සහිත තත්ත්වයක් පැවතිය හැකිය.
ගිගුරුම් සහිත වැසි සමඟ තාවකාලික තද සුළං සහ අකුණු අනතුරු ඇති විය හැකි බැවින්, ඉන් සිදුවන හානි අවම කර ගැනීමට අවශ්ය පූර්ව ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටී.
