දිවයිනේ පළාත් නියෝජනය කරමින් තරුණ තරුණියන් පිරිසක් ශ්රී ලංකාවේ පවතින දැවෙන පාරිසරික හා දේශගුණික අභියෝග සාකච්ඡා කිරීම සඳහා 2026 ජාතික තරුණ දේශගුණික සම්මන්ත්රණය (LCOY Sri Lanka 2026 National Consultation) වෙනුවෙන් එක්වී සිටිති.
‘සේව් අ ලයිෆ්’ (Save a Life) ආයතනය විසින් සංවිධානය කරන ලද මෙම ජාතික උපදේශන සභාව, දිවයින පුරා ප්රධාන හවුල්කාර සංවිධාන නවයක් සමඟ එක්ව මීට පෙර පවත්වන ලද පළාත් මට්ටමේ සාකච්ඡාවල අඛණ්ඩ පැවැත්මක් ලෙස ක්රියාත්මක වේ. මෙම වැඩසටහන මඟින් තරුණ පරපුරට තමන් පදිංචි ප්රදේශවල පවතින පාරිසරික ගැටලු මතු කිරීමටත්, ජාතික මට්ටමේ ප්රතිපත්ති සැකසීම සඳහා තරුණ අදහස් ලබා දීමටත් කදිම වේදිකාවක් සකස් කර දී ඇත.
ජෛව විවිධත්වය සංරක්ෂණය සහ පරිසර පද්ධති ප්රතිස්ථාපනය, චක්රීය ආර්ථිකය (Circular Economy), මෙන්ම වෙනස් වන කාලගුණික රටාවන් සහ දේශගුණික විපර්යාස පිළිබඳ විශේෂඥ සැසිවාර රැසක් මෙම සමුළුවට ඇතුළත් විය. මීට අමතරව, දේශගුණික යුක්තිය, පරිසර පද්ධති ප්රතිස්ථාපනය සහ චක්රීය ආර්ථිකය වැනි තේමා යටතේ සහභාගී වුවන් කණ්ඩායම් සාකච්ඡා සඳහා ද දායක වී තිබේ.
පළාත් මට්ටමින් සහ මෙම ජාතික සමුළුව හරහා එකතු කරගන්නා ලද නිර්දේශ සහ අදහස් ඇතුළත් කරමින්, ශ්රී ලංකාවේ පාරිසරික සහ දේශගුණික ප්රමුඛතා පිළිබඳ තරුණ අපේක්ෂා එකතු කළ ‘ජාතික තරුණ දේශගුණික ප්රකාශය’ (National Youth Climate Statement) එළිදැක්වීමට නියමිතය.
