ශ්රී ලංකාවේ කුරුඳු කර්මාන්තය මේ වසරේ සුවිශේෂී වර්ධනයක් අත්කර ගනිමින් සිටින අතර, පසුගිය මැයි මාසයේදී මෙරට ඉතිහාසයේ වාර්තා වූ ඉහළම කුරුඳු මිල වාර්තා කිරීමට සමත් විය. කුරුඳු සංවර්ධන දෙපාර්තමේන්තුව සඳහන් කරන්නේ ඇල්බා (Alba) වර්ගයේ කුරුඳු කිලෝග්රෑමයක මිල රුපියල් 7,000ක වාර්තාගත මට්ටමකට ළඟා වූ බවයි.
මෙම වසරේ කුරුඳු අපනයන ඉලක්කය ඇමරිකානු ඩොලර් මිලියන 300ක් බව එම දෙපාර්තමේන්තුවේ අධ්යක්ෂ ජනරාල් ජනක ලින්දාර මහතා පවසයි. පසුගිය 2025 වසරේදී කුරුඳු සහ කුරුඳු ආශ්රිත නිෂ්පාදන අපනයනය හරහා ශ්රී ලංකාව උපයා ඇති ආදායම රුපියල් බිලියන 80කට ආසන්න (ඇමරිකානු ඩොලර් මිලියන 260ක් පමණ) වන අතර, එය මෙතෙක් වාර්තා වූ ඉහළම වාර්ෂික ආදායමයි.
කුරුඳු අපනයන අංශයේ අඛණ්ඩ වර්ධනය තවදුරටත් තහවුරු කරමින්, මේ වසරේ මුල් මාස පහ තුළ අපනයන ආදායම පසුගිය වසරේ අදාළ කාලපරිච්ඡේදයට සාපේක්ෂව රුපියල් මිලියන 27කින් ඉහළ ගොස් ඇත.
