මත්ද්රව්ය ජාවාරම්කරුවෙකු අධිකරණයට ඉදිරිපත් නොකර නීතිවිරෝධී ලෙස මුදා ගැනීම සඳහා තෙල්දෙණිය මූලස්ථාන පොලිස් පරීක්ෂකවරයා වෙත රුපියල් ලක්ෂ පහක මුදලක් අල්ලස් ලෙස ලබාදීමට උත්සාහ කළ පුද්ගලයෙකු තෙල්දෙණිය පොලීසිය විසින් අත්අඩංගුවට ගෙන තිබෙනවා.ඉකුත් ජූලි 31 වන දින තෙල්දෙණිය පොලීසිය විසින් අයිස් මත්ද්රව්ය සමඟ අත්අඩංගුවට ගත් සැකකරුවෙකුගෙන් අනාවරණය වූ තොරතුරු මත, තැන්නේකුඹුර ප්රදේශයේ මත්ද්රව්ය ජාවාරමේ නිරත ප්රධාන සැකකරු ද අයිස් මත්ද්රව්ය ග්රෑම් 10 මිලිග්රෑම් 795ක් සමඟ අත්අඩංගුවට ගෙන තිබිණි. කෙසේ වෙතත්, එම ප්රධාන ජාවාරම්කරු නිදහස් කර ගැනීම සඳහා මූලස්ථාන පොලිස් පරීක්ෂකවරයාට රුපියල් ලක්ෂ 5ක අල්ලසක් ලබාදීමට උත්සාහ කළ අවස්ථාවේදී, පොලිස් නිලධාරීන් ක්රියාත්මක කළ උපක්රමශීලී මෙහෙයුමකින් අදාළ තරුණයා තෙල්දෙණිය පොලිස් ස්ථානය තුළදීම අත්අඩංගුවට ගෙන ඇත. තැන්නේකුඹුර ප්රදේශයේ පදිංචි 29 හැවිරිදි මෙම සැකකරුට එරෙහිව අල්ලස් පනත යටතේ නීතිමය පියවර ගැනීම සඳහා අල්ලස් හෝ දූෂණ විමර්ශන කොමිෂන් සභාව දැනුවත් කිරීමට ද පොලිසිය පියවර ගෙන තිබේ.
