එක්සත් ජාතික පක්ෂය කියන්නේ අද ඇවිදින මලමිනියක් වගේ මැරිච්ච පක්ෂයක් බව සෞඛ්ය ඇමැතිනි පවිත්රා වන්නිආරච්චි මහත්මිය පවසයි.
ඇය මේ බව පැවසුවේ පැල්මඩුල්ලේ අද (02)දින පැවති ජනහමුවකදීය.
එහිදී ඇය වැඩිදුරටත් මෙසේ අදහස් පල කර සිටියේය ” රනිල් වික්රමසිංහ මහත්තයා කොවිඩ් 19 දෙවැනි රැල්ලක් එන හින්දා ඒක මර්දනය කරන්න එතුමන්ලාට බලය දෙන්න කියලා කියනවා. දැන් අපි දැක්කා එතුමන්ලා මේ පසුගිය ජන්දව්යාපාරයේදී එතුමන්ගේ වටේ තියෙන ආගමික සිද්ධස්ථාන වලට ගිහිල්ලා ඇවිද ඇවිද ඉන්නවා. මොකද එක්සත් ජාතික පක්ෂය කියන්නේ අද ඇවිදින මලමිනියක් වගේ මැරිච්ච පක්ෂයක්. ඉතිං පසුගිය කාලේ රනිල් වික්රමසිංහ මහත්තයලගේ කෙරුවාවල් ගැන මේ රටේ මිනිස්සු දන්නවා. එතුමාට අපි කියන්නේ අර පාස්කු ප්රහාරය සම්බන්ධයෙන් තියෙන ජනාධිපති විමර්ෂන කොමිසමට ගිහිල්ලා එතන බංකුවකට වෙලා ඒ සාක්ෂි දෙන හැටි හොදට අහල බලන්න. එතකොට එතුමාට තේරෙයි එතුමන්ලා මේ රට කරේ ගියේ කොහොමද කියලා. ඉතිං මේ රටේ ජනතාව හොදටම දන්නවා දැන් මාස දෙකක් තිස්සේ අපේ රටේ සමාජයේ කොවිඩ් 19 රෝගය කිසිම තැනක මතුවීමක් නෑ කියලා. මේ රටේ ජනතාව රනිල් වික්රමසිංහ මහත්තයලා ගැන හොදටම දන්නවා. ඒ නිසා ලෙහලා බලපු මල්ල ඔබලා බලන්න අවශයතාවයක් නැති බව මේ රටේ ජනතාව හොදට තේරුම් අරගෙනයි ඉන්නේ.
