මොනරාගල අධ්යාපන කලාපයේ, සියඹලාණ්ඩුව අධ්යාපන කොට්ඨාසයේ පිහිටි අති දුෂ්කර පාසලක් වන මො/තිස්සපුර කනිටු විදුහල, 2026 ජාතික පාසල් ක්රීඩා තරගාවලියේදී සුවිශේෂී ක්රීඩා ජයග්රහණයක් අත්කර ගැනීමට සමත්ව තිබේ. එහිදී කලාප මට්ටමෙන් පැවැත්වුණු වයස අවුරුදු 16න් පහළ බාලක වොලිබෝල් තරගාවලියේ විශිෂ්ට දක්ෂතා දක්වමින් කලාප අනුශූරතාවය (Runners-up) දිනා ගැනීමට මෙම විද්යාලයේ දක්ෂ ක්රීඩකයෝ සමත් වූහ.
මෙම තීරණාත්මක තරගාවලිය පසුගියදා මොනරාගල ප්රාදේශීය සභා ක්රීඩාංගණයේදී ඉතා උත්කර්ෂවත් අන්දමින් පැවැත්විණි. 1981 මැයි 11 වැනි දින මො/තිස්සපුර කනිෂ්ඨ විද්යාලය ආරම්භ කිරීමෙන් පසු, වසර 45ක දීර්ඝ ඉතිහාසය තුළ පාසලක් ලෙස මෙවැනි ඉහළ ජාතික මට්ටමේ කණ්ඩායම් ක්රීඩා ජයග්රහණයක් ලබාගත් ප්රථම අවස්ථාව මෙය වන බව විදුහල්පති හසිත රුවන් ජයසුන්දර මහතා අභිමානයෙන් යුතුව ප්රකාශ කළේය.
සියලු යටිතල පහසුකම් අවම වටපිටාවක වුවද, විද්යාලයේ ස්වේච්ඡා වොලිබෝල් පුහුණුකරු ලෙස කටයුතු කරන ඩී.එම්. චමින්ද බණ්ඩාර මහතා විසින් මෙම කණ්ඩායම ඉතා කැපවීමෙන් යුතුව පුහුණු කර තිබේ. දක්ෂ තරග රටාවකින් පසු මෙම තරගාවලියේ සමස්ත ශූරතාවය ඇතිමලේ මහා විද්යාලයීය වොලිබෝල් කණ්ඩායම විසින් හිමිකරගෙන ඇති අතර, දුෂ්කරතා රැසක් මධ්යයේ තිස්සපුර කනිටු විදුහලේ දරුවන් දැක්වූ මෙම දක්ෂතාවය සහ කැපවීම මුළු පළාතටම ඉමහත් ආදර්ශයකි.
