ඇමෙරිකානු ජනතාවට “පූර්ණ වර්ණාවලී” (Full-spectrum) කැනබිඩියෝල් හෙවත් CBD නිෂ්පාදන සඳහා පහසුවෙන් ප්රවේශ වීමට අවස්ථාව සැලසෙන පරිදි පවතින නීති යාවත්කාලීන කරන ලෙස ජනාධිපති ඩොනල්ඩ් ට්රම්ප් කොංග්රස් මණ්ඩලයෙන් ඉල්ලා තිබේ.
පසුගිය බ්රහස්පතින්දා සිය ‘Truth Social’ ගිණුමේ සටහනක් තබමින් ජනාධිපතිවරයා අවධාරණය කළේ, වෛද්යමය සහ සෞඛ්යමය වශයෙන් වැදගත් වන මෙම නිෂ්පාදන ලබා ගැනීමට ඇමෙරිකානුවන්ට පවතින නීතිමය බාධා ඉවත් කළ යුතු බවයි. සෞඛ්ය පිරිවැය අවම කිරීමේ වැඩපිළිවෙළක් යටතේ මෙම පියවර ගැනීමට රජය අපේක්ෂා කරන බව පෙනී යයි.
CBD යනු ගංජා ශාකයෙන් නිසාරණය කරගන්නා රසායනික සංයෝගයක් වන අතර, එය මත් ගතියක් ඇති නොකරමින් විවිධ වේදනා සහ සෞඛ්ය ගැටලු සඳහා ප්රතිකාරයක් ලෙස භාවිත කරනු ලබයි. විශේෂයෙන්ම “පූර්ණ වර්ණාවලී” (Full-spectrum) CBD නිෂ්පාදන තුළ එම ශාකයේ අඩංගු අනෙකුත් ස්වභාවික සංයෝග ද අඩංගු වන බැවින් ඒවායේ ගුණාත්මකභාවය වැඩි බව පර්යේෂකයන්ගේ මතයයි. ට්රම්ප් පරිපාලනය විසින් මෙම නීතිමය වෙනස සඳහා යෝජනා කරන්නේ ජනතාවට ආරක්ෂිත සහ ගුණාත්මක නිෂ්පාදන වෙළඳපොළ තුළින් ලබා ගැනීමට ඇති අයිතිය තහවුරු කිරීමටයි.
