ප්රකට මාධ්යවේදී ග්ලෙන් බෙස්ක් සමඟ පැවැති සාකච්ඡාවකට එක්වෙමින්, ඇමෙරිකා එක්සත් ජනපදය පුරා ෂරියා නීතිය තහනම් කිරීමට තමන් සම්පූර්ණයෙන්ම සහය පළකරන බවට ජනාධිපති ඩොනල්ඩ් ට්රම්ප් දැවැන්ත හෙළිදරව්වක් සිදුකර ඇති බව වාර්තා වේ.
“මම ෂරියා නීතිය සම්පූර්ණයෙන්ම තහනම් කරනවා. මේ රට තුළ ඇතැම් ස්ථානවල එය සුළුවෙන් හෝ ක්රියාත්මක වන බව අපට පෙනෙන සෑම තැනකදීම අපි එය මුළුමනින්ම අතුගා දමනවා. අපේ රටට තියෙන්නේ එකම එක නීති පද්ධතියක් විතරයි” යනුවෙන් ජනාධිපති ට්රම්ප් එහිදී තදින් අවධාරණය කර සිටියේය.
එක්සත් ජනපද ආණ්ඩුක්රම ව්යවස්ථාවේ ආධිපත්යය සුරැකීම සහ අතිරේක නීති පද්ධතීන් රට තුළ ස්ථාපිත වීම වැළැක්වීම සඳහා පාලනාධිකාරිය දැඩි තීන්දු තීරණ ගැනීමට සූදානම් වන බවත්, මෙම ප්රකාශයත් සමඟ ඇමෙරිකානු දේශපාලන ක්ෂේත්රය තුළ දැවැන්ත කතිකාවතක් නිර්මාණය වී ඇති බවත් විචාරකයෝ පෙන්වා දෙති.
