ඉරාන යුද සමයේදී ඇමෙරිකාව ක්රියාත්මක කළ වඩාත්ම බලපෑම් සහගත සහ සාර්ථකම විදේශ ප්රතිපත්තිය වන්නේ ඉරාන නැව් සඳහා පැනවූ නාවික අවහිරය (Blockade) බව ඇමෙරිකානු ජනාධිපති ඩොනල්ඩ් ට්රම්ප් මහතා ප්රකාශ කර තිබේ. ඉරානය වෙත එල්ල කරන ලද සමස්ත බෝම්බ ප්රහාර මාලාවටම වඩා මෙම නාවික අවහිරය ප්රබල ප්රතිඵල ලබාදුන් බව ඔහු අවධාරණය කරයි.
මෙහිදී අදහස් දක්වමින් ට්රම්ප් මහතා කියා සිටියේ, ඇමෙරිකාව විසින් ඩොලර් බිලියනයකට වඩා වටිනා බෝම්බ ඉරානය වෙත හෙළනු ලැබූවද, එම සියලු ප්රහාරයන්ට වඩා නෞකා ගමනාගමනය අවහිර කිරීමේ උපායමාර්ගය බෙහෙවින් බලපා ඇති බවයි. කෙසේ වෙතත්, ඔහුගේ මෙම ප්රකාශය සම්බන්ධයෙන් දේශපාලන විචාරකයන් පෙන්වා දෙන්නේ, තමන් විසින් ගන්නා ලද එක් තීරණයක් තමන්ගේම අනෙක් තීරණයට වඩා උසස් කොට පෙන්වමින් තමන් පිළිබඳවම පුරසාරම් දොඩන්නට ට්රම්ප් මහතා මෙහිදී උත්සාහ කර ඇති බවයි.
තමන් කළ මිලිටරි ක්රියාමාර්ග දෙකක් එකිනෙක සසඳමින්, ඉන් එකක් අනෙකට වඩා සාර්ථක වූ බව ප්රකාශ කිරීමේ මෙම සුවිශේෂී ශෛලිය ඩොනල්ඩ් ට්රම්ප් මහතාටම ආවේණික වූවක් බව ද විචාරකයෝ වැඩිදුරටත් පවසති.
