අම්පාර කොට්ඨාස දූෂණ මර්දන අංශය සිදුකළ විශේෂ වැටලීමකදී රුපියල් ලක්ෂ 20කට අධික වටිනාකමකින් යුත් අයිස් සහ හෙරොයින් මත්ද්රව්ය තොගයක් සමඟ සැකකරුවන් දෙදෙනෙකු අත්අඩංගුවට ගෙන තිබේ. අම්පාර කොට්ඨාස දූෂණ මර්දන අංශයේ ස්ථානාධිපතිවරයාට ලැබුණු බුද්ධි තොරතුරකට අනුව මෙම වැටලීම ක්රියාත්මක කර ඇත.
කාරතිව් වෙට්ටුවයික්කල් පාලම අසලදී සිදුකළ මාර්ග බාධක පරීක්ෂාවකදී යතුරුපැදියකින් ගමන් කරමින් සිටි 41 හැවිරිදි පුද්ගලයෙකු ප්රථමයෙන් අත්අඩංගුවට ගෙන ඇති අතර, ඔහුගෙන් හෙළි වූ තොරතුරු මත කාරතිව් ප්රදේශයේ නිවසක් පරීක්ෂා කර තිබේ. එහිදී එහි රැඳී සිටි කල්මුණේ ප්රදේශයේ පදිංචි 31 හැවිරිදි අනෙක් සැකකරු ද මත්ද්රව්ය සමඟ අත්අඩංගුවට ගැනීමට පොලිසිය සමත් විය.
සැකකරුවන් සන්තකයේ තිබී අයිස් මත්ද්රව්ය ග්රෑම් 20කට අධික ප්රමාණයක්, හෙරොයින් ග්රෑම් 5ක්, ජාවාරමෙන් උපයාගත් බවට සැකකෙරෙන රුපියල් 80,000ක මුදලක්, විද්යුත් තරාදියක් සහ ජංගම දුරකථන දෙකක් පොලිස් භාරයට ගෙන ඇත. අත්අඩංගුවට ගත් සැකකරුවන් අද (10) සම්මන්තුරේ මහේස්ත්රාත් අධිකරණය වෙත ඉදිරිපත් කිරීමෙන් අනතුරුව, දින 6ක රැඳවුම් නියෝග මත ප්රශ්න කිරීමට කාරතිව් පොලිසියට අවසර හිමිව තිබේ.
