අතිපූජ්ය බලංගොඩ මහින්ද ස්වාමින් වහන්සේ වෙත අම්පාර සහ මඩකලපු යන දෙදිසාවේ ප්රධාන සංඝනායක ධුරය පිරිනමා තිබේ. උන්වහන්සේ විසින් සිදුකරනු ලබන ශාසනික සහ සමාජීය මෙහෙවර අගය කරමින් මෙම ගෞරව නාමය පිරිනමා ඇති බව වාර්තා වේ.
සංඝනායක ධුරයට පත්වූ බලංගොඩ මහින්ද හිමියන් පිළිගැනීමේ සහ ශ්රී සන්නස් පත්ර ප්රදානය කිරීමේ පුණ්ය මහෝත්සවය ඉදිරි දිනකදී පැවැත්වීමට නියමිත අතර, මෙම පත්වීම සම්බන්ධයෙන් ප්රදේශයේ මහා සංඝරත්නය සහ සැදැහැවත් ජනතාව සිය සුභාශිංසන පිරිනමති.














