කළු මුහුදේ ගමන් කරන සිවිල් නෞකාවලට දෙපාර්ශ්වය විසින් එල්ල කරන ප්රහාර නතර කිරීම සඳහා රුසියාව සමඟ අන්යෝන්ය එකඟතාවකට පැමිණීමට යුක්රේනය යෝජනා කර ඇති බව Reuters උපුටා දක්වමින් වාර්තා වේ. තුන්වන පාර්ශ්වයක් හරහා Kyiv මෙම යෝජනාව ඉදිරිපත් කර ඇති බව සඳහන් වන අතර, Moscow වෙතින් මෙතෙක් ඊට ප්රතිචාරයක් ලැබී නොමැත. යෝජනාවේ ප්රධාන අරමුණක් ලෙස ධාන්ය ඇතුළු අත්යවශ්ය අපනයන සඳහා වැදගත් කළු මුහුදු නාවික මාර්ගය යළි සක්රීය කිරීම සැලකේ.
ජූලි මාසයේ සිට යුක්රේන ඩ්රෝන ප්රහාරවලින් Azov සහ කළු මුහුදේ නෞකා 220කට ආසන්න සංඛ්යාවක් ඉලක්ක වී ඇති අතර, ඒ අතර තෙල් නැව්, ධාන්ය ප්රවාහන නෞකා සහ මගී යාත්රාද ඇතුළත් බව වාර්තා වේ. එම කාලයේදීම රුසියාව යුක්රේනයේ දකුණු වරායන් වෙත ප්රහාර තීව්ර කර ඇති අතර, යුක්රේනයේ ධාන්ය සහ සූරියකාන්ත නිෂ්පාදන අපනයනයෙන් 90%කට ආසන්න ප්රමාණයක් Odesa, Chornomorsk සහ Pivdenne වරායන් හරහා සිදුවන බැවින් එරට කෘෂිකාර්මික අපනයනයට දැඩි බලපෑමක් එල්ල වී තිබේ.
යුක්රේනයේ අස්වනු සමය ආරම්භ වන අවස්ථාවක මෙම යෝජනාව ඉදිරිපත් වී ඇති අතර, දෙරටේ නෞකා ප්රවාහනය යළි ආරම්භ කිරීම ජාත්යන්තර ආහාර සැපයුමටද වැදගත් වනු ඇත. රුසියාව සහ යුක්රේනය මීට පෙර තුර්කිය සහ එක්සත් ජාතීන්ගේ මැදිහත්වීමෙන් Black Sea Grain Initiative ගිවිසුමට එක්ව සිටි අතර, 2022 ජූලි සිට 2023 ජූලි දක්වා ක්රියාත්මක වූ එම වැඩපිළිවෙළ රුසියාව එය අලුත් කිරීම ප්රතික්ෂේප කිරීමත් සමඟ අවසන් විය.
