කාර්මික විප්ලවයට පෙර පැවති මට්ටමට සාපේක්ෂව මේ සියවසේ මැද භාගය වන විට ගෝලීය උෂ්ණත්වය සෙල්සියස් අංශක 1.7ත් 1.8ත් අතර අගයකින් ඉහළ යා හැකි බව එක්සත් ජාතීන්ගේ සංවිධානයේ නවතම වාර්තාවක දැක්වේ.
මෙම තත්ත්වය පාලනය කිරීම සඳහා පුනර්ජනනීය බලශක්ති භාවිතය ඉහළ නැංවීම සහ හරිතාගාර වායු විමෝචනය සැලකිය යුතු ලෙස අඩු කිරීම අත්‍යවශ්‍ය බව එම සංවිධානය අවධාරණය කරයි.
වාර්තාවට අනුව, ගෝලීය උණුසුම පාලනය කිරීමේ අරමුණින් 2030 වසර වන විට හරිතාගාර වායු විමෝචනය සියයට 18කින් ද, 2035 වසර වන විට සියයට 45කින් ද, 2040 වසර වන විට සියයට 69කින් ද අඩු කළ යුතුය.
කෙසේ වෙතත්, පවතින තත්ත්වය යටතේ 2100 වසර වන විට ගෝලීය උෂ්ණත්වය සෙල්සියස් අංශක 2.8කින් ඉහළ යා හැකි බව ද එක්සත් ජාතීන්ගේ සංවිධානයේ නවතම වාර්තාව පෙන්වා දෙයි.
