ළමුන්ගේ රැකවරණ ප්රතිසංස්කරණ සඳහා වන ගෝලීය ප්රඥප්තියට පසුගිය මැයි 4 වැනිදා කැබිනට් අනුමැතිය හිමිවීම ශ්රී ලංකාවේ ළමා ආරක්ෂාව ශක්තිමත් කිරීම සඳහා ගත් සන්ධිස්ථානීය තීරණයක් ලෙස එක්සත් ජාතීන්ගේ ළමා අරමුදල (UNICEF) අගය කරයි.
මෙම ප්රඥප්තිය මගින් ශ්රී ලංකාවේ ජාතික විකල්ප රැකවරණ ප්රතිපත්තිය තවදුරටත් ශක්තිමත් වන අතර දරුවන් ආයතනගත කිරීම වෙනුවට ආරක්ෂිත පවුල් පරිසරයක් තුළ හැදී වැඩීම තහවුරු කෙරේ. යුනිසෙෆ් සහ රජය එක්ව ගත් උත්සාහයන් නිසා 2018 වසරෙන් පසු ආයතනගතව සිටින දරුවන්ගේ සංඛ්යාව සියයට 30කින් අඩු වී ඇති අතර පසුගිය වසර පහ තුළ ළමුන් 6,000කට අධික පිරිසක් ආයතනගත වීම වළක්වා ගැනීමට හැකි වී තිබේ. කෙසේ වෙතත් තවමත් දරුවන් 8,000කට වැඩි පිරිසක් නේවාසික රැකවරණ ආයතනවල සිටින අතර ඉන් බහුතරයකගේ දෙමාපියන් ජීවතුන් අතර සිටින බව ද අනාවරණය වී ඇත.
දරිද්රතාවය සහ අපයෝජනය වැනි හේතු මත දරුවන් පවුලෙන් වෙන් කිරීම වැළැක්වීම මෙම ප්රඥප්තියේ ප්රධාන අරමුණයි. මෙම ප්රතිපත්ති සාර්ථකව ක්රියාත්මක කිරීම සඳහා අවශ්ය මූල්ය ප්රතිපාදන සහ පවුල් සඳහා උපකාරක සේවා පුළුල් කිරීමට රජය සහ සිවිල් සමාජය සමඟ අඛණ්ඩව සහයෝගයෙන් කටයුතු කිරීමට සූදානම් බව යුනිසෙෆ් වැඩිදුරටත් ප්රකාශ කරයි.
