විශ්වවිද්යාල පද්ධතියේ පවතින පරිපාලනමය සහ වෘත්තීය ගැටළු කිහිපයක් මුල් කරගනිමින් වෘත්තීය ක්රියාමාර්ගවලට එළඹීමට විශ්වවිද්යාල ආචාර්ය සමිති සම්මේලනය තීරණය කර තිබේ.
තමන් මුහුණ දෙන වැටුප් වර්ධනය, ආචාර්යවරුන්ගේ හිඟය, පහසුකම් අවම වීම සහ සිය දරුවන් පාසල්වලට ඇතුළත් කිරීමේදී පැන නැගී ඇති ගැටළු සම්බන්ධයෙන් රජය සමඟ සාකච්ඡා කළද, ඒ සඳහා සාධනීය ප්රතිචාරයක් නොලැබීම මෙම තීරණයට හේතු වී ඇත.
ඒ අනුව, විශ්වවිද්යාල ආචාර්යවරුන් විසින් සිදු කරනු ලබන විෂය නිර්දේශ ප්රතිසංස්කරණය සහ ගුරු පුහුණුව ඇතුළු සියලුම අධ්යාපන ස්වේච්ඡා වැඩ කටයුතුවලින් වහාම ඉවත් වීමට ඔවුන් තීරණය කර ඇත.
තවද, මීළඟ සති දෙකක කාලය තුළ රජයෙන් නිසි විසඳුමක් නොලැබෙන්නේ නම්, ඉදිරියේදී පැවැත්වීමට නියමිත උසස් පෙළ පිළිතුරු පත්ර ඇගයීම් කටයුතුවලින් ද ඉවත් වීමට කටයුතු කරන බව විශ්වවිද්යාල ආචාර්ය සමිති සම්මේලනය රජයට වැඩිදුරටත් අනතුරු අඟවා තිබේ.
