ඉරානය සමඟ පවතින යුදමය වාතාවරණය හේතුවෙන් අමෙරිකානු අවි ආයුධ තොග ශීඝ්රයෙන් වැය වෙමින් පැවතීම නිසා, මීට පෙර යුරෝපීය රටවල් සමඟ එකඟ වී තිබූ අවි ආයුධ ලබා දීමේ කටයුතු ප්රමුඛව පමා වනු ඇති බවට අමෙරිකානු බලධාරීන් සිය යුරෝපීය සගයන් දැනුවත් කර ඇතැයි රොයිටර් පුවත් සේවය වාර්තා කරයි.
විශේෂයෙන්ම බැල්ටික් කලාපයේ (Baltic region) සහ ස්කැන්ඩිනේවියානු (Scandinavia) රටවල් කිහිපයකට මෙම අවි ප්රවාහනය පමා වීම සෘජුවම බලපානු ඇත. විදේශ හමුදා අලෙවි වැඩසටහන (Foreign Military Sales – FMS) යටතේ මෙම රටවල් විසින් මිලදී ගෙන තිබූ නමුත් මෙතෙක් භාර දී නොමැති අවි ආයුධ මෙලෙස පමා වීමට නියමිතය. මැදපෙරදිග කලාපයේ පවතින දැඩි අවශ්යතාවය මත මෙම තීරණය ගෙන ඇති බව වාර්තා වේ.
පසුගිය පෙබරවාරි 28 වැනිදා අමෙරිකානු සහ ඊශ්රායල ගුවන් ප්රහාර සමඟ ආරම්භ වූ ඉරාන යුද්ධය හේතුවෙන් අමෙරිකාව සතු තීරණාත්මක අවි ආයුධ සහ පතොරම් තොග දැඩි ලෙස සීමා වී ඇති බව මෙම පමාවන් හරහා මනාව පැහැදිලි වේ. යුරෝපීය නිලධාරීන් පෙන්වා දෙන්නේ මෙම පමාවන් තම රටවල ආරක්ෂක සූදානමට (Defense Readiness) දැඩි බලපෑමක් එල්ල කළ හැකි බවයි.
