ඉන්දියාවේ විශාලතම සූර්ය බලශක්ති ව්යාපෘතියක් සඳහා කොන්ත්රාත්තුවක් ලබා ගැනීමට ඇමෙරිකානු නිලධාරීන්ට අල්ලස් ලබා දී ආයෝජකයින් නොමඟ යැවූ බවට එල්ල වූ අපරාධ වංචා චෝදනා ඉවත් කිරීමට, එක්සත් ජනපද ජනාධිපති ඩොනල්ඩ් ට්රම්ප් මහතාගේ පරිපාලනය පියවර ගෙන ඇති බව විදෙස් මාධ්ය වාර්තා කරයි. අදානි සමූහ ව්යාපාරයේ සභාපති ගෞතම් අදානි ඇතුළු පිරිසකට එරෙහිව නිව්යෝර්ක් අධිකරණයක ගොනු කර තිබූ මෙම බරපතළ නඩුව අත්හැර දැමීමට ඇමෙරිකානු බලධාරීන් තීරණය කර තිබේ.
මෙම නඩුව ඉල්ලා අස්කර ගැනීම සඳහා අදානි පාර්ශවය විසින් එක්සත් ජනපද අධිකරණ දෙපාර්තමේන්තුව සමඟ විශේෂ එකඟතාවකට පැමිණ ඇති අතර, ඊට සමගාමීව ඇමෙරිකානු බලශක්ති හා යටිතල පහසුකම් ක්ෂේත්රය තුළ ඩොලර් බිලියන 10ක දැවැන්ත ආයෝජනයක් සිදු කිරීමට ද ඔවුන් එකඟ වී ඇත. මෙම දේශපාලනික සහ ආර්ථිකමය වශයෙන් තීරණාත්මක වූ තීරණයත් සමඟ ජාත්යන්තර ව්යාපාරික ක්ෂේත්රය තුළ අදානි සමූහයට එල්ල වී තිබූ දැඩි පීඩනය සහ අවිශ්වාසය පහව ගොස් ඇති බව ආර්ථික විශ්ලේෂකයෝ පෙන්වා දෙති.
