මැදපෙරදිග කලාපයේ හමුදාමය නොසන්සුන්තාව සහ ප්රහාරයන් යළිත් ඉහළ යාමේ දැඩි අවදානම හමුවේ, මුළු මහත් මැදපෙරදිග කලාපය පුරා වෙසෙන සියලුම ඇමෙරිකානු පෞද්ගලික සහ නිලධාරීන්ට දැඩි අවධානයෙන් හා පූර්ව ආරක්ෂිත පියවරයන් සහිතව පසුවන ලෙස ජෙරුසලමේ පිහිටි ඇමෙරිකානු තානාපති කාර්යාලය හදිසි ආරක්ෂිත අනතුරු ඇඟවීමක් නිකුත් කර තිබේ.
ඉරානය සමඟ පවතින සෘජු හමුදාමය ගැටුම් උච්චතම අවස්ථාවට පැමිණීමත් සමඟ හදිසි ගුවන් ගමන් වාර අවලංගු කිරීම්, ගුවන් සීමාවන් ක්ෂණිකව වසා දැමීම් සහ සංචාරක බාධාවන්ට මුහුණ දීමට සූදානමින් සිටින ලෙස මීට පෙරද ඇමෙරිකානු බලධාරීන් අනතුරු අඟවා තිබිණි.
ඇමෙරිකාව විසින් ඉරාන හමුදා ඉලක්ක වෙත එල්ල කරන නව ප්රහාර සහ ඊට ප්රතිචාර වශයෙන් ඉරානය විසින් එල්ල කිරීමට ඉඩ ඇති ප්රතිප්රහාර හමුවේ කලාපීය යුද ගිනිදැල් තවදුරටත් ව්යාප්ත වීමේ තර්ජනයක් මතුවීම මෙම නවතම ආරක්ෂිත උපදෙස් මාලාව නිකුත් කිරීමට හේතු වී ඇත.
