වර්ජිනියා ප්රාන්තයේ ඡන්දදායකයින් විසින් අනුමත කරන ලද මැතිවරණ කොට්ඨාස නැවත බෙදීමේ (Redistricting) ජනමත විචාරණය වලංගු නොවන බවට එරට විනිසුරුවරයෙකු විසින් අප්රේල් 22 වනදා තීන්දු කර තිබේ. මෙම තීන්දුවත් සමඟ ඊට පෙර දින පැවැති මැතිවරණ ප්රතිඵලය අවලංගු වී ඇත.
ටැසෙවෙල් (Tazewell) පරිපථ අධිකරණ විනිසුරු ජැක් හර්ලි විසින් මැතිවරණ ප්රතිඵල සහතික කිරීම වළක්වමින් මෙම නියෝගය නිකුත් කර ඇත. මීට එරෙහිව වහාම අභියාචනයක් ඉදිරිපත් කරන බව වර්ජිනියා ප්රාන්තයේ නීතිපති ජේ ජෝන්ස් (Jay Jones) ප්රකාශ කළේය. “වර්ජිනියා වැසියන් සිය මනාපය ප්රකාශ කර ඇති අතර, ක්රියාකාරී විනිසුරුවරයෙකුට ජනතා ඡන්දය අභිබවා යාමට බලයක් නොතිබිය යුතුයි” යනුවෙන් ඔහු අවධාරණය කළේය.
මෙම ජනමත විචාරණයේදී ඡන්දදායකයින්ගෙන් විමසා සිටියේ, 2030 සංගණනයෙන් පසු සාමාන්ය ක්රියාවලිය යළි ආරම්භ කරන තෙක්, ඉදිරි මැතිවරණවල සාධාරණත්වය තහවුරු කිරීම සඳහා තාවකාලිකව නව කොන්ග්රස් සීමා නිර්ණයන් අනුමත කිරීමට මහා මණ්ඩලයට (General Assembly) අවසර දෙන්නේද යන්නයි. කෙසේ වෙතත්, මෙම ප්රශ්නයේ අඩංගු භාෂා විලාසය පිළිබඳව විරුද්ධ පාර්ශ්වයන් දැඩි ලෙස විවේචන එල්ල කර තිබුණි.
