වලාන මධ්යම දූෂණ මර්ධන ප්රහාරක ඒකකයේ නිලධාරීන් කණ්ඩායමක් විසින් ඊයේ (15) දින උදෑසන වැලිසර ප්රදේශයේදී සිදුකළ වැටලීමකදී නීති විරෝධී මත්පැන් තොගයක් සමඟ සැකකරුවෙකු අත්අඩංගුවට ගෙන තිබේ. මහබාගේ පොලිස් වසමට අයත් වැලිසර ප්රදේශයේදී මෙම වැටලීම ක්රියාත්මක කර ඇති අතර, එහිදී විකිණීමට සූදානම් කර තිබූ නීති විරෝධී මත්පැන් ලීටර් 75ක් (බෝතල් 100ක්) පොලිස් භාරයට ගෙන ඇත.
අත්අඩංගුවට ගත් සැකකරු වයස අවුරුදු 40ක් වන වැලිසර ප්රදේශයේම පදිංචිකරුවෙකි. වලාන මධ්යම දූෂණ මර්ධන ඒකකය විසින් සැකකරු සහ මත්පැන් තොගය ඉදිරි විමර්ශන කටයුතු සඳහා මහබාගේ පොලිස් ස්ථානය වෙත භාර දී ඇති අතර, මහබාගේ පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වයි.
