එක එක පක්ෂවලට ඕනෑ විදිහට අපි වැඩ කරන්නේ නෑ – මහින්ද
ඩිලාන් පෙරේරා මන්ත්‍රීතුමාගේ වැඩේ තමයි හැමෝටම බනින එක බව එතුමා නොබනින්නේ ආගමික නායකයින්ට පමණක් බව කෘෂිකර්ම අමාත්‍ය මහින්ද අමරවීර මහතා පවසයි. අමාත්‍යවරයා මේ බව පැවසුවේ ඊයේ (26) පස්වරුවේ මුල්කිරිගල ආසන බල මණ්ඩල රැස්වීමට සහභාගී වෙමිනි.
එහිදී ඒ මහතා කියා සිටියේ “සමහරු අපිට චෝදනා කරනවා මමයි, දුමින්ද දිසානායක ඇමතිතුමයි ශ්රී ලංකා නිදහස් පක්ෂය විනාශ කරනවා කියලා.මේ පක්ෂය විනාශ කරන්න කටයුතු කරන්නේ අපි නෙවෙයි.ඔය අපිට චෝදනා කරන අය කියලයි මම කියන්නේ. ශ්රී ලංකා නිදහස් පක්ෂය විනාශ කරන්න අපි ඉඩ තියන්නේ නෑ. ශ්රී ලංකා නිදහස් පක්ෂය එක්සත් ජාතික පක්ෂයටවත් වෙන පක්ෂයකටවත් එකතු කරන්න අපි ඉඩ තියන්නේ නෑ.ඒ වගේම මේ පක්ෂය පොහොට්ටුවේ එල්ලන්නවත් අපි ඉඩ දෙන්නේ නෑ.අපි හැමදාම ශ්රී ලංකා නිදහස් පක්ෂය එක්ක ඉන්නවා මිසක් එක්සත් ජාතික පක්ෂයයටවත් පොහොට්ටුවටවත් ඕනෑ විදිහට කටයුතු කරන්නේ නෑ.” යැයි අමාත්‍යවරයා කියා සිටියේය.