මෙවර යළ කන්නයේ ගොවීන්ගේ වී අස්වනු කිසිදු බාධාවකින් තොරව සාධාරණ මිලකට මිල දී ගැනීමේ වැඩපිළිවෙළ සාර්ථකව සිදු වන බව වාර්තා වේ. වවුනියාව දිස්ත්රික්කයේ කුඩා හා මධ්ය පරිමාණ වී මෝල් හිමියන්ට රජයේ ස්ථාවර මිල ගණන් යටතේ වී මිල දී ගැනීම සඳහා නියෝජ්ය අමාත්ය උපාලි සමරසිංහ මහතාගේ ප්රධානත්වයෙන් මුදල් චෙක්පත් ලබාදීම සිදු කෙරුණු අතර, ඒ සඳහා වෙන් කර ඇති මුළු මුදල රුපියල් මිලියන 109කි. එහි ප්රථම අදියර යටතේ රුපියල් මිලියන 50ක මුදලක් මේ වන විට ලබා දී ඇත.
මීට අමතරව ත්රිකුණාමලය දිස්ත්රික්කයේ ද වී මිල දී ගැනීම සාර්ථකව සිදුවන අතර, කන්තලේ ව්යාපාරයේ යළ කන්නයේ වී අස්වනු නෙලීම අවසන් වී කන්තලේ වී ගබඩාවට වී තොග ලැබෙමින් පවතී. ඒ අනුව ත්රිකුණාමල දිස්ත්රික්කයේ මේ වන විට වී මෙට්රික් ටොන් 800කට අධික ප්රමාණයක් මිලදී ගෙන අවසන්ය.
