මාධ්යවේදීන් සිදුකරන මෙහෙවර ඇගයීම සඳහා පවත්වනු ලබන ප්රථම ජනාධිපති මාධ්ය සම්මාන උළෙල ජනාධිපති මෛත්රීපාල සිරිසේන මහතාගේ ප්රධානත්වයෙන් බණ්ඩාරනායක ජාත්යන්තර අනුස්මරණ සම්මන්ත්රණ ශාලාවේදී අද (10) පස්වරු 4.00 ට අති උත්කර්ශවත් අන්දමින් පැවැත්වීමට සියළු කටයුතු සුදානම් කර තිබේ.
ජනමාධ්ය අමාත්යංශය පැවසුවේ සමාජ වගකීමෙන් යුත් මාධ්ය කලාවක් බිහිකිරීම සඳහා ජනමාධ්යවේදීන්ගේ කුසලතා හැකියාවන් සහ සුවිශේෂී නිපුණතා ඇගයීම ජනාධිපති මාධ්ය සම්මාන උළෙලේ මුඛ්ය පරමාර්ථය බවයි.
මෙම සම්මාන උළෙලේදී රූපවාහිනි, ගුවන්විදුලි, පුවත්පත් සහ වෙබ් මාධ්ය සඳහා සම්මාන 47 ක්ද යාවජීව සම්මාන 4ක්ද ඇතුළුව සම්මාන 51 ක් පිරිනැමීමට නියමිතය.
ජනාධිපති මාධ්ය සම්මාන සඳහා 2017 ජනවාරි පළමු වැනිදා සිට 2017 දෙසැම්බර් 31 දක්වා පලවූ සහ විකාශනය වූ නිර්මාණ සලකා බලන ලද අතර ඒ අනුව අයදුම්පත් 1674 ක් ලැබී තිබූ බව ජනමාධ්ය අමාත්යංශය සඳහන් කරයි.
