යුක්රේන ජනාධිපති වොලොද්මියර් සෙලෙන්ස්කිගේ සමීපතම හිතවතෙකු මෙන්ම හිටපු බලගතු කාර්ය මණ්ඩල ප්රධානියා වූ ඇන්ඩ්රි යර්මාක් (Andriy Yermak), මහා පරිමාණ දූෂණ විමර්ශනයක සැකකරුවෙකු ලෙස එරට බලධාරීන් විසින් නම් කර තිබේ. රුසියාව සමඟ පවතින යුද්ධය හමුවේ එල්ල වන මෙම චෝදනාව සෙලෙන්ස්කි පාලනයට දැඩි දේශපාලන පීඩනයක් එල්ල කිරීමට සමත්ව ඇත.
යුක්රේන දූෂණ විරෝධී ආයතන සඳහන් කරන්නේ කිව් (Kyiv) අගනුවරින් බැහැරව පිහිටි සුඛෝපභෝගී නිවාස ව්යාපෘතියක් හරහා අමෙරිකානු ඩොලර් මිලියන 10.5ක මුදලක් විශුද්ධිකරණය කළ අපරාධ කල්ලියකට ඔහු සම්බන්ධ බවට සැක කෙරෙන බවයි. යුක්රේන නීතියට අනුව ආයතන විසින් ඔහුගේ නම සෘජුව සඳහන් නොකළද, එරට ප්රධාන මාධ්ය ධාරාවන් විසින් ඔහු මෙම සැකකරු බව තහවුරු කර තිබේ. කෙසේ වෙතත්, ඇන්ඩ්රි යර්මාක් මෙම චෝදනා ප්රතික්ෂේප කරමින් පවසා ඇත්තේ අදාළ දේපළ ව්යාපෘතියේ තමන් සතු කිසිදු අයිතියක් නොමැති බවයි.
මෙම සිද්ධිය පසුගිය වසරේ නොවැම්බර් මාසයේදී අනාවරණය වූ ඩොලර් මිලියන 100ක මහා පරිමාණ දූෂණ විමර්ශනයකම කොටසක් ලෙස සැලකේ. යුද සමයක මෙවැනි ඉහළ පෙළේ දූෂණ චෝදනා එල්ල වීම යුක්රේන රජය කෙරෙහි පවතින ජනතා විශ්වාසය පළුදු වීමට ප්රධාන හේතුවක් වී තිබේ.
