පසුගිය රජය සමයේ ක්රියාත්මක කළ කටුපොල් වගා තහනම වහාම ඉවත් කරන ලෙස බලකරමින් මතුගම නගරයේදී සාමකාමී උද්ඝෝෂණයක් පැවැත්වුණා. මතුගම අවට වතු ආශ්රිත රැකියාවල නිරත කම්කරු ජනතාව එක්ව පවත්වන ලද මෙම විරෝධතාව සංවිධානය කර තිබුණේ ‘එකමුතු කම්කරු ප්රජා ශක්තී සංවිධානය’ විසිනි.
විරෝධතාකරුවන් චෝදනා කර සිටින්නේ 2013 වසරේ සිට ක්රමානුකූලව සැලසුම් කර, බහුජාතික සමාගම් කිහිපයක පටු අවශ්යතාවන් මත එවකට සිටි බලධාරීන් මෙම තහනම පැනවූ බවයි. කටුපොල් වගාව හේතුවෙන් පාරිසරික ගැටලු ඇතිවන බවට අසත්ය ප්රචාර පතුරුවමින් සිදුකළ මෙම අත්තනෝමතික තහනම නිසා වතු කම්කරුවන් දහස් ගණනකගේ රැකියා අහිමි වී ඔවුන්ගේ ජීවන තත්ත්වය බරපතළ ලෙස කඩා වැටී ඇති බව උද්ඝෝෂකයෝ මෙහිදී අවධාරණය කළහ. පවතින ආර්ථික තත්ත්වය හමුවේ තමන්ගේ ජීවිකාව සුරක්ෂිත කිරීම සඳහා මෙම වගා තහනම වහාම ඉවත් කරන ලෙස ඔවුහු රජයෙන් ඉල්ලා සිටිති.
