ශ්රී ලංකාවේ ප්රමුඛතම වාණිජ බැංකුවක් වන DFCC බැංකුව, පසුගියදා JAT Living සමග විශේෂ අවබෝධතා ගිවිසුමකට අත්සන් තැබී ය.
මෙම අවබෝධතා ගිවිසුම යටතේ, තලවතුගොඩ ප්රදේශයේ ඉදිවෙමින් පවතින ‘146 Residencies’ ව්යාපෘතියෙන් නිවාස මිලදී ගන්නා ගැනුම්කරුවන්ට DFCC බැංකුවෙන් සුවිශේෂී නිවාස ණය පහසුකම් හිමි වේ.
JAT Living හි නවතම ව්යාපෘතිය වන ‘146 Residencies’, නිදන කාමර දෙක, තුන සහ හතර බැගින් වන සුඛෝපභෝගී නිවාස 112 කින් සමන්විත වේ. වාහන නැවැත්වීම සඳහා එම ව්යාපෘතියෙහි මහල් තුනක් වෙන්කෙරෙන අතර, වර්ග අඩි 8,800 කින් යුත් දැවැන්ත අවකාශයක් වන rooftop කොටසේ, පදිංචිකරුවන්ට සැහැල්ලුවෙන් කාලය ගතකිරීම සඳහා උද්යානයක්ද ඉදිකෙරේ. මීට අමතරව ඇවිදීමේ මංතීරු, යෝග ව්යායාම වල නිරත වීමේ ස්ථානයක්, ළමා ක්රීඩා පිටියක්, පිහිනුම් තටාකයක් සහ බාර් එකක් සහිත ක්ලබ්හවුස් එකක් ඇතුළු පහසුකම් රාශියක් මීට ඇතුළත් වනු ඇත.
නිසි සුදුසුකම් සපුරාලන ගැනුම්කරුවන්ට ‘146 Residencies’ වෙතින් නිවාස මිලදීගැනීම සඳහා මෙම සුවිශේෂී ණය පහසුකම ලබාගත හැකි වේ. මෙම ණය සඳහා වසර 4 ක් දක්වා සහන කාලයක් හිමිවන අතර, තම අවශ්යතාව අනුව ණය ආපසු ගෙවීමේ ක්රමවේදය සැලසුම් කරගැනීමේ හැකියාව පවතී. ඊට අමතරව, රාජකාරි දින 3 ක් ඇතුළත ණය සඳහා අනුමැතිය ලබාදීම සහ, නියමිත කාලයට පෙර අදාළ ණය මුදල ගෙවා අවසන් කිරීමේදී සාමාන්යයෙන් අයකෙරෙන ගාස්තුව කපාහැරීම වැනි තවත් ප්රතිලාභ රාශියක්ද, මෙම අවබෝධතා ගිවිසුම ඔස්සේ DFCC බැංකුව වෙතින් ගනුදෙනුකරුවන්ට හිමිවනු ඇත. මේ සියල්ල, බොහෝ දෙනෙකුට තම නිවාස සිහින සැබෑකරගැනීමට මහෝපකාරී වනු නොඅනුමාන ය.
රටේ සෑම දෙනාටම සහනදායී ලෙස නිවාස මිලදී ගැනීමට අවස්ථාව තිබිය යුතු බවත්, එය ඔවුන්ගේ ජීවන තත්ත්වය වැඩිදියුණු කිරීම සඳහා අතිශයින් වැදගත් වන සාධකයක් බවත් DFCC බැංකුව දැඩිව විශ්වාස කරයි. තම නිවාස සිහිනය සැබෑ කරගැනීම සඳහා අවශ්ය මූල්ය ශක්තිය නොමැති වීම, මෑතකාලීනව බොහෝ දෙනෙකු මුහුණ දෙන ගැටලුවක් බව පෙනී ගිය බැවින්, මේ ආකාරයේ සුවිශේෂී නිවාස ණය ප්රවර්ධන වැඩසටහන් ක්රියාවට නැංවීමට DFCC බැංකුව පියවර ගෙන තිබේ.
“මෙවැනි සහනදායී නිවාස ණය පහසුකමක් හඳුන්වා දීම සඳහා JAT Living සමග අත්වැල් බැඳගැනීමට හැකිවීම අපට මහත් සතුටක්. ගනුදෙනුකරුවන්ට වඩාත් පහසුවෙන් නිවාස මිලදී ගැනීමට හැකියාව ලැබීම, ශක්තිමත් ආර්ථිකයක් බිහිකිරීම සඳහා DFCC බැංකුව දරන උත්සාහය තව-තවත් දිරිගන්වන සාධකයක් වේවි. මෙම හවුල්කාරීත්වය, බැංකු ක්ෂේත්රය තුළ මෙන්ම පොදු ජනතාව වෙනුවෙන් පුළුල් මට්ටමින් ආර්ථික හා සමාජයීය වටිනාකම් නිර්මාණය කරන හවුල්කාරීත්වයක් වනු ඇතැයි කියා අප සිතනවා. එමෙන්ම මෙය සියලුම දෙනා වෙත ප්රතිලාභ සලසන තිරසාර හා ශක්තිමත් ආර්ථිකයක් නිර්මාණය කිරීම සම්බන්ධයෙන් DFCC බැංකුව සතු දීර්ඝකාලීන ක්රමෝපායේ තවත් ඉදිරි පියවරක් ලෙස හැඳින්විය හැකියි.” DFCC බැංකුවේ ජ්යෙෂ්ඨ උප සභාපති (පාරිභෝගික බැංකුකරණ සහ කුඩා හා මධ්ය පරිමාණ මූල්ය සේවා) ආසිරි ඉද්දමල්ගොඩ මහතා පැවසී ය.
