කොරියාවෙන් වෛද්‍ය උපකරණ පරිත්‍යාගයක්
කොරියානු ජනරජය විසින් පරිත්‍යාග කරන ලද වෛද්‍ය උපකරණ තොගයක් අද (04) ඖෂධ නිෂ්පාදනය, සැපයීම් හා නියාමන රාජ්‍ය අමාත්‍යංශයට ලැබී ඇත.
ඒ,ශ්රී ලංකාවේ කොරියානු තානාපති සන්තුෂ් වුන්ජින් ජියෝන් (Santhush Woonjin Jeon) මහතා විසින් ඖෂධ නිෂ්පාදනය, සැපයීම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතා වෙත භාරදෙන ලදී.
කොවිඩ් වසංගතය මර්දනය පිණිස කොරියානු ජනරජය විසින් ශ්රී ලංකාවට ලබා දෙනු ලබන සහයෝගය අමාත්‍යවරයා විසින් මෙහිදී ප්‍රශංසාවට ලක්කළ අතර, දෙරට අතර දිගුකාලීන මිතුදම ශක්තිමත් කරමින්, කොරියානු ජනරජය විසින් ඉදිරියටත් ඔවුනගේ සහය මෙරටට ලබා දෙන බවද, කොරියානු තානාපතිවරයා ඒ අවස්ථාවේදී පැවසීය.
මෙම පරිත්‍යාගය සිදුකරනු ලැබුවේ කොරියානු ජනරජය මගින් ශ්රී ලංකාවට වෛද්‍ය උපකරණ ලබා දීමේ වැඩසටහනේ දෙවැනි පියවර වශයෙනි. මෙයට පෙර කොරියන් ජනරජය මෙරටට ලබාදුන් වෛද්‍යාධාර පිළිබඳවද අමාත්‍යවරයා එහිදී තම ස්තුතිය පළ කළේය.
මෙම අවස්ථාවට කොරියානු නියෝජ්‍ය තානාපතිනිය සහ රාජ්‍ය අමාත්‍යාංශ ලේකම්වරයා ඇතුළු නිලධාරීහු පිරිසක් සහභාගි වූහ.