ගාසා තීරයේ ගාසා සිටි (Gaza City) හි පිහිටි හමාස් සංවිධානයේ අභ්යන්තර ආරක්ෂක අංශ ප්රධානියා අත්අඩංගුවට ගැනීම සඳහා ඊශ්රායල හමුදා ක්රියාත්මක කළ රහසිගත මෙහෙයුමකින් පසු එල්ල කළ ගුවන් ප්රහාරවලින් ළමයින් ඇතුළු පලස්තීනුවන් පස්දෙනෙකු මියගොස් ඇති බව විදෙස් මාධ්ය වාර්තා කරයි.
ඊශ්රායල ආරක්ෂක අමාත්ය ඉශ්රායෙල් කැට්ස් (Israel Katz) විසින් හමාස් ජ්යෙෂ්ඨ නායකයෙකු අත්අඩංගුවට ගත් බව තහවුරු කර ඇති අතර, අදාළ මෙහෙයුම අතරතුර ඊශ්රායල හමුදාවන්ට ආරක්ෂාව සපයමින් එල්ල කළ මිසයිල ප්රහාර 12කට ආසන්න සංඛ්යාවකින් අවතැන් වූ පවුල් රැඳී සිටි කටීබා (Katiba) ප්රදේශයේ පිරිසක් මෙසේ ජීවිතක්ෂයට පත්ව ඇත. 2025 ඔක්තෝබර් මාසයේ සිට ඇමෙරිකානු මැදිහත්වීමෙන් සෙබළ විරාමයක් (Ceasefire) ක්රියාත්මක වුවද ඊශ්රායලය අඛණ්ඩව ප්රහාර එල්ල කරන බවට හමාස් සංවිධානය චෝදනා කරන අතර, එම සෙබළ විරාමයෙන් පසුව පමණක් ගාසා තීරයේ පලස්තීනුවන් 1,300කට අධික පිරිසක් මියගොස් තිබේ.
