ශ්රී ලංකාවේ පුද්ගලික සෞඛ්ය ක්ෂේත්රයේ ප්රමුඛතම රෝහලක් වන නයින්වෙල්ස් රෝහල (Ninewells Hospital), සිය සේවා ජාලය තවදුරටත් පුළුල් කිරීමේ අරමුණින් නව ගොඩනැගිලි සංකීර්ණයක් ඉදිකිරීමේ කටයුතු ආරම්භ කර තිබේ. මෙතෙක් කාන්තා සහ ළමා රෝග පිළිබඳ විශේෂිත සේවාවන් සඳහා ප්රසිද්ධියක් ඉසිලූ මෙම රෝහල, මෙම නව ව්යාප්තිය හරහා වඩාත් පුළුල් පරාසයක විහිදුණු ශල්ය වෛද්ය විශේෂඥ සේවාවන් ඇතුළු නවීන සෞඛ්ය පහසුකම් සැපයීමට සූදානම් වෙයි.
අතිනවීන තාක්ෂණයෙන් සහ රෝගී සත්කාරක පහසුකම්වලින් සමන්විත වන මෙම නව පහසුකම හරහා ශල්යකර්ම කිරීමේ හැකියාව තවදුරටත් ඉහළ යන අතර, රෝගීන්ට වඩාත් සුවපහසු සහ ගුණාත්මක සේවාවක් ලබා දීම රෝහලේ අපේක්ෂාවයි. ශ්රී ලංකාවේ වෛද්ය ක්ෂේත්රය තුළ නව ප්රමිතීන් ඇති කරමින්, සියලුම රෝගීන් සඳහා විශ්වාසනීය සහ දියුණු වෛද්ය සේවාවක් සැපයීමට මෙම නව ව්යාප්තිය මඟින් විශාල පිටුවහලක් ලැබෙනු ඇත.
