නියමිත දීර්ඝ කළ කාලසීමාව තුළ ශිරන්ති රාජපක්ෂ මහත්මිය පොලිස් මූල්‍ය අපරාධ විමර්ශන කොට්ඨාශය හමුවේ පෙනී නොසිටියහොත්, ඇයට එරෙහිව විදෙස් ගමන් තහනමක් ලබා ගැනීමට පොලිසිය කටයුතු කිරීමට සූදානම් බව Sunday Times වාර්තා කරයි.
ශිරන්ති රාජපක්ෂ මහත්මිය විදෙස්ගතව සිටින අතරතුර, තමන් සම්බන්ධ ‘Siriliya’ පදනම පිළිබඳ විමර්ශනයකට අදාළව ප්‍රකාශයක් ලබාදීම සඳහා දින 14ක කාලයක් ඉල්ලා ඇති බව වාර්තාවේ සඳහන් වේ. ඇය සැප්තැම්බර් 16 වැනිදා සිංගප්පූරුව බලා පිටත්ව ගොස් තිබුණි.
ඇයට එරෙහිව විදෙස් ගමන් තහනමක් ලබාගතහොත්, එම තහනම පවතින අවස්ථාවකදී ඇය යළි දිවයිනට පැමිණෙන විට ගුවන් තොටුපලේදී අත්අඩංගුවට ගැනීමට හැකියාව ඇති බව Sunday Times වාර්තාවේ සඳහන් වේ. මෙතෙක් ඇය අත්අඩංගුවට ගෙන ඇති බවට වාර්තා වී නොමැත.
