ජාත්‍යන්තර මූල්‍ය අරමුදලේ (IMF) වැඩසටහනින් ඉවත් වීම සඳහා රජය මෙතෙක් ස්ථීර තීරණයක් ගෙන නැතැයි කැබිනට් ප්‍රකාශක අමාත්‍ය වෛද්‍ය නලින්ද ජයතිස්ස මහතා පවසයි. අද (29) පැවැති කැබිනට් තීරණ දැනුම්දීමේ මාධ්‍ය හමුවේදී අමාත්‍යවරයා මේ බව සඳහන් කළේය.
එහිදී වැඩිදුරටත් අදහස් දැක්වූ අමාත්‍යවරයා පැවසුවේ ඇතැම් පුරෝකථනයන් සාර්ථක කර ගෙන තිබුණද තවත් ඉලක්ක කිහිපයක් තවමත් සපුරා ගෙන නොමැති බවයි. කෙසේ වෙතත්, ලෝකයේ පවතින තත්ත්වයන් සහ රටේ ආර්ථික වාතාවරණය සියල්ල සලකා බලා නිසි මොහොතේදී ඒ සම්බන්ධයෙන් තීන්දුවක් ගත හැකි බව හෙතෙම වැඩිදුරටත් පෙන්වා දුන්නේය.
