ශ්‍රී ලංකාවේ දරිද්‍රතාවය පිළිබඳ නිවැරදි හා යාවත්කාලීන දත්ත රජය සතුව නොමැති බව විපක්ෂ නායක සජිත් ප්‍රේමදාස මහතා පවසයි. කොළඹ දිස්ත්‍රික් සමගි ජන බලවේගයේ සංවිධායකවරුන් සහ පළාත් පාලන මන්ත්‍රීවරුන් හමුවෙමින් ඔහු සඳහන් කළේ, 2016 සහ 2019 වසරවල පැරණි දත්ත මත පදනම්ව ඉදිරිපත් කර ඇති සමාජ-ආර්ථික දත්ත වාර්තා හරහා ලබන නොවැම්බර් 12 වැනි දින ඉදිරිපත් කිරීමට නියමිත 2027 අයවැය සඳහා නිවැරදි ප්‍රතිපත්ති සම්පාදනය කළ නොහැකි බවයි.
මෙහිදී අස්වැසුම සුබසාධන වැඩසටහන ක්‍රියාත්මක කිරීමේදී ද ප්‍රමාණවත් ලෙස යාවත්කාලීන කරන ලද පවුල් ආදායම් සහ වියදම් සමීක්ෂණ දත්ත භාවිත කර නොමැති බව හෙතෙම චෝදනා කළේය. ලෝක බැංකු දත්ත උපුටා දක්වමින් විපක්ෂ නායකවරයා පෙන්වා දුන්නේ, ශ්‍රී ලංකාවේ ජනගහනයෙන් 65.4%ක් පමණ දෛනිකව ඩොලර් 8.30ක දරිද්‍රතා සීමාවට යටින් ජීවත් වන බවත්, රටේ පවුල්වලින් 33ක් දැඩි ආහාර අනාරක්ෂිතභාවයකට මුහුණ දී සිටින බවත්ය. කෙසේ වෙතත්, නිසි දරිද්‍රතා දත්ත නොමැතිව රජය අයවැය සකස් කිරීම බරපතල ගැටළුවක් බව ඔහු වැඩිදුරටත් අවධාරණය කළේය.
