ශ්‍රී ලංකාව සහ මාලදිවයින අතර වෙළෙඳ සහ ව්‍යාපාරික සබඳතා තවදුරටත් ශක්තිමත් කිරීමේ අරමුණින් ‘හෝටල් ආසියා 2026’ (Hotel Asia 2026) ප්‍රදර්ශනයේ ශ්‍රී ලංකා මණ්ඩපය නිල වශයෙන් විවෘත කර තිබේ.
මාලදිවයිනේ ශ්‍රී ලංකා මහකොමසාරිස් මොහොමඩ් රිස්වි හසන් සහ ශ්‍රී ලංකා – මාලදිවයින් ව්‍යාපාරික මණ්ඩලයේ සභාපති සංජීව යන මහත්වරුන්ගේ ප්‍රධානත්වයෙන් පීත්ත පටිය කපමින් මෙම මණ්ඩපය විවෘත කර ඇත. සංචාරක සහ හෝටල් ක්ෂේත්‍රයට අදාළ දේශීය නිෂ්පාදන සහ සේවා එකම ස්ථානයක ප්‍රදර්ශනය කරමින්, මාලදිවයිනේ හෝටල් සහ නිවාඩු නිකේතන නියෝජිතයන් හමුවී නව ව්‍යාපාරික සබඳතා ගොඩනගා ගැනීමට මෙමඟින් ශ්‍රී ලංකා අපනයනකරුවන්ට මනා අවස්ථාවක් සැලසී තිබේ.
