රුසියාව සමඟ පවතින යුද්ධය අවසන් කිරීමේ අරමුණින් ඇමරිකානු නියෝජිතයන් වන ස්ටීව් විට්කොෆ් සහ ජැරඩ් කුෂ්නර් සමඟ ඉදිරි දින කිහිපය තුළ නව සාකච්ඡා පැවැත්වීමට යෝජනා කළ බව යුක්‍රේන ජනාධිපති වොලොදිමීර් සෙලෙන්ස්කි පවසයි.
අඟහරුවාදා මේ බව ප්‍රකාශ කළ සෙලෙන්ස්කිගේ යෝජනාව, රුසියාව සහ යුක්‍රේනය යළි සාකච්ඡා සඳහා යොමු කිරීමට ඇමරිකාව උත්සාහ වැඩි කරමින් සිටින පසුබිමක ඉදිරිපත් වී තිබේ.
පසුගිය සතියේ ඇමරිකාවේ පැවති සාකච්ඡාවලදී, රුසියානු ඩීසල් අපනයනයට ඉඩ සලසන ගිවිසුමක් මඟින් මොස්කව් පාලනය නැවත සාම සාකච්ඡාවලට ගෙන්වා ගැනීමට අපේක්ෂා කරන බව විට්කොෆ් සහ කුෂ්නර් යුක්‍රේන නියෝජිත පිරිසට පවසා ඇති බව රොයිටර් වාර්තා කරයි.
කෙසේ වෙතත්, නව සාකච්ඡා සඳහා යෝජනාවක් ඉදිරිපත් කර ඇති බව පමණක් මේ වන විට වාර්තා වී ඇති අතර, එම සාකච්ඡා පැවැත්වෙන දිනයක් හෝ නිශ්චිත එකඟතාවක් තවමත් ප්‍රකාශයට පත් කර නොමැත.
