තවත් නියෝජ්‍ය අමාත්‍යධූර 13 ක් ඉතිරිව ඇති බවත්, එය ලබා ගැනීම සදහා පක්ෂය ඇතුලේ මන්ත්‍රීවරුන් අතර සටනක් පවතින බව පාර්ලිමේන්තු මන්ත්‍රී එස්.එම්.මරික්කාර් මහතා පවසයි. මන්ත්‍රීවරයා මෙම අදහස් පළ කළේ, රුපියල් ලක්ෂ 41 ක ප්‍රතිපාදනයෙන් කාපට් අතුරා සංවර්ධනය කරන ලද මුල්ලේරියාව, හිඹුටාන පටුමග ජනතා අයිතියට පත් කිරීමේ උත්සවයකට එක්වෙමින්ය.
නව වසරක් උදාවෙන අවස්ථාවේ අපි සියළු භේද ඉවත දාලා එකමුතු වී වැඩ කළ යුතු බවත් අද දේශපාලඥයෝ ජාතික ප්රශ්න ගැන කතා නොකර ප්‍රාථමික ගැටළු ගැන කතා කරන බව විදුලිබල, බලශක්ති සහ ව්‍යාපාර සංවර්ධන අමාත්‍ය රවී කරුණානායක මහතා පවසයි.
ශ්රී ලංකා නාවික හමුදාවේ 23 වන නාවික හමුදාපතිවරයා ලෙස රියර් අද්මිරාල් කේ.කේ.ටී.පී.එච් ද සිල්වා මහතා පත් කෙරේ. ඒ මහතා අද (31) උදෑසන ජනාධිපති නිල නිවසේ දී ජනාධිපති මෛත්‍රීපාල සිරිසේන මහතා අතින් සිය පත්වීම් ලිපිය ලබා ගත්තේ ය.
නව ජාතික හැඳුනුම්පත ජනවාරි පළමුවැනිදා සිට නිකුත් කිරීමට නියමිත බව පුද්ගලයින් ලියාපදිංචි කිරීමේ දෙපාර්තමේන්තුව පවසයි. එම දෙපාර්තමේන්තුව පැවසුවේ සුහුරු ජාතික හැඳුනුම්පත් ලෙස හඳුන්වාදෙන මෙම නව හැඳුනුම්පත සඳහා අයදුම්කරුගේ ජායාරූපය, විද්‍යුත් තැපෑල මගින් දෙපාර්තමේන්තුව වෙත ලබාදීම ප්‍රමාණවත් බවයි.
පැවති වර්ෂා සහිත කාළගුණයත් සමගින් ඉදි වෙමින් පවතින යාන් ඔය ජලාශය ජලයෙන් පිරි යාමේදී බලාපොරොත්තු නොවූ ගම්මාන ජලයෙන් යට වෙමින් පවතින බැවින් එම ගම්මාන වල ජනතාවටද වන්දි මුදල් ලබා දී ඔවුන්ද නැවත පදිංචි කිරීම් කටයුතු සිදු කරන බව හිටපු වාරී මාර්ග, ජල සම්පත් හා ආපදා කළමණාකරන අමාත්‍යය, පාර්ලිමේන්තු මන්ත්‍රී දුමින්ද දිසානායක මහතා පවසයි.
සෑම වසරකම දෙසැම්බර් 31 දින රිය අනතුරු මෙන්ම ගිනිකෙළි අනතුරු , බීමත්ව සිදු වන ආරවුල් හේතුවෙන් සිදුවන අනතුරු බහුලව වාර්තාවන බව සෞඛ්‍ය අමාත්‍යාංශයේ අනතුරු නිවාරණ අංශයේ ප්‍රජා වෛද්‍ය විශේෂඥ සමිත සිරිතුංග මහතා පවසයි.
හිටපු ජනාධිපතිනි චන්ද්‍රිකා බණ්ඩාරනායක මහත්මිය විසින් මේ වන විට දේශපාලන කටයුතුවලින් සමුගත යුතු බව එක්සත් ජනතා නිදහස් සන්ධාන පාර්ලිමේන්තු මන්ත්‍රි එස්.එම්. චන්ද්‍රසේන මහතා පවසයි. ඒ මහතා අනුරාධපුර ප්‍රදේශයේ පැවති වැඩසටහනකින් අනතුරව මාධ්‍යවේදීන් අමතමින් කියා සිටියේ මේ වන විට ජනාධිපති මෛත්‍රිපාල සිරිසේන මහතා විසින් ශ්රී ලංකා නිදහස් පක්ෂ දියුණු කරමින් කටයුතු කරන බවයි.
ජනාධිපති මෛත්‍රීපාල සිරිසේන මහතා විසින් අති විශේෂ ගැසට් නිවේදනයක් මඟින් නව අමාත්‍යවරුන්ට පැවරී ඇති විෂයන් හා කාර්යයන් නිවේදනය කර තිබේ. එහිදී අදාළ අමාත්‍යවරුන් බාරයේ පැවතිය යුතු දෙපාර්තමේන්තු, සංස්ථා සහ ව්‍යවස්ථාපිත ආයතන ද අදාළ ගැසට් නිවේදනය මඟින් ප්‍රකාශයට පත් කර තිබේ.
ගංවතුරෙන් අවතැන්ව සිටින උතුරේ ජනතාවට කඩිනමින් මූල්ය ආධාර ලබාදෙන බවත් එම ජනතාව ලබාගෙන ඇති බැංකු ණය සඳහා වාරික හා පොලිය අය කිරීම තාවකාලිව අත්හිටවන බව පැවසූ අග්රාමාත්ය රනිල් වික්‍රමසිංහ මහතා පවසයි.
විදේශ රටවල් සමඟ ගනුදෙනු කිරීමට පාලනයට දක්ෂ පිරිස් බිය නොමැති බව අභ්‍යන්තර හා ස්වදේශ කටයුතු සහ පළාත් සභා සහ පලාත් පාළන අමාත්‍ය වජිර අබේවර්ධන මහතා පවසයි. TTvnews.lk වෙබ් අඩවිය සමඟ කල සම්මුඛ සාකච්ඡාතවට එක්වෙමින් ඒ මහතා කියා සිටියේ එක්සත් ජාතික පක්ෂය විදේශ රටවල් සමඟ වැඩ කිරීමට කිසිදු බියක් නොමැති බවයි. එසේම ඉදිරියේදී ජනතාවගේ අවශ්‍යතාව මත ඕනෑම […]
English 
