ඉදිරියේදී පැවැත්වෙන ජනාධිපතිවරණයට ඉදිරිපත්වන්නට තමා ද සුදානම් බව හිටපු අමාත්‍ය කුමාර වෙල්ගම මහතා පවසයි. හිටපු ජනාධිපතිවරයාගේ නිවසේ පැවති සාකච්ඡාවකට එක්වීමට යන අවස්ථාවේදී මාධ්‍යවේදීන් වෙත අදහස් දක්වමින් කියා සිටියේ සියළු දෙනාගේ ආශිර්වාදය ලැබුණහොත් තමා එම තනතුර සඳහා ඉදිරිපත්වන බවයි.
වර්ජන සිදුකරමින් විශ්වවිද්‍යාල අධ්‍යාපනය කඩාකප්පල් කරමින් සිටින පරිදි අසාධාරණ හේතු දක්වමින් ඇතැම් වෘත්තීය සමිති විසින් පාසල් අධ්‍යාපන පද්ධතිය බිදදැමීමේ සැලසුම් සහගත කුමන්ත්රණයක් සිදු කරමින් සිටින බව අධ්‍යාපන අමාත්‍ය අකිල විරාජ් කාරියවසම් මහතා පවසයි.
තිස්ස අත්තනායක මහතාට එරෙහිව ගොනුකර ඇති නඩුවක සාක්ෂි දීම සඳහා ජනාධිපති මෛත්‍රිපාල සිරිසේන සහ අග්රාමාත්ය රනිල් වික්‍රමසිංහ මහත්වරුන්ට නැවතත් සිතාසි නිකුත් කර තිබේ.
බෝනොවන රෝග පාලනය කිරිම සදහා ව්‍යායාම් කිරීම අත්‍යාවශ්‍ය බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.
ගත වූ වසර තුනක කාලය තුළ අපේක්ෂා කළ සියලූ දේ ඉටු කර ගැනීමට නොහැකි වුවත්, සාර්ථකව රට ඉදිරියට ගෙන යාම සඳහා ශක්තිමත් අඩිතාලමක් දමා තිබෙන බව අග්රාමාත්ය රනිල් වික්‍රමසිංහ මහතා පවසයි.
කෘෂිකර්ම දෙපාර්තමේන්තුව විසින් ශ්රී ලංකාවේ වියලි හා තෙත් කලාපීය දේශගුණික තත්ත්වයන් යටතේ වගා කළ හැකි නව පලතුරු විශේෂයක් හඳුන්වා දී තිබේ.
වර්තමානයේ මාධ්‍යවල තිබෙන්නේ ආණ්ඩු විරෝධී ප්රචාරය බවත් හවසට මාධ්‍ය දිහා බලපුවහම රටේ ආණ්ඩුවක් නැති බව ජනතාවට හැගෙන බව ජනාධිපති මෛත්‍රිපාල සිරිසේන මහතා පවසයි. ජනාධිපතිවරයා මේ බව පැවසුවේ මොරගහකන්ද කළුගඟ රන් දියවර රැඳවුම් මංගල්‍යය අද (23) ජනපතිවරයාගේ ප්‍රධානත්වයෙන් වීවෘත කළ අවස්ථාවේදිය.
ගෘහ සේවිකාවන් ලෙස පිටත්ව යන ශ්‍රමිකයින් සදහා නිල ඇදුමක් හදුන්වාදී නැති බව ශ්රී ලංකා විදේශ සේවා නියුක්ති කාර්යාංශය අවධාරණය කරයි. විදේශ රැකියා නියෝජිත ආයතන විසින් බදවාගැනීම් කරනු ලබන ශ්‍රමිකයින් සදහාද ඒ ආකාරයේ නිල ඇදුමක් හදුන්වාදීමට නියෝග ලබාදී නොමැති බවද විදේශ සේවා නියුක්ති කාර්යාංශය පවසයි.
ශ්රී ලංකා නිදහස් පක්ෂයේ සිටින්නන් ප්‍රාණය පුදලා පක්ෂය රකින අය බවත් රැල්ලට නොයන පුද්ගලයින් බව විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා පවසයි.
යුද්ධයෙන් පීඩාවට පත් වූ උතුරු පළාතේ ජනතාවගේ ජීවන තත්ත්වය නගා සිටුවීම අප සියලු දෙනාගේ වගකීමක් වන බවත් ඒ වෙනුවෙන් රැකියා 25,000ක් ලබා දීමේ වැඩසටහනක් ආරම්භ කරනවා යැයි කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා පවසයි.
