දඹුල්ල ප්‍රදේශයේ ගොවීන් විසින් වගා කර තිබෙන ලොකු ලූණු වගාවට මේ දිනවල පවතින අධික වැස්ස නිසා බෙහෙවින් අස්වනු හානි සිදුවී ඇති බවට වාර්තා වී ඇති බවත් යල කන්නයේ දී ඇතැම් ගොවීන් විසින් වගා කිරීමට ප්‍රමාද වීම හේතුවෙන් වර්ෂා කාලයට වගාවන් වැස්සට හසුවීම සිදු වී ඇති බව කෘෂිකර්ම අමාත්‍යංශය පවසයි.
තොරතුරු තාක්ෂණ ක්ෂේත්රයේ නෝර්වීජියානු ආයෝජකයන් ශ්රී ලංකාව සමග එක්වී සිදු කරන කාර්යයන් අගය කරන බව ශ්රී ලංකා අග්රාමාත්ය රනිල් වික්‍රමසිංහ මහතා පවසයි. ඒ ක්ෂේත්‍ර සඳහා නිපුණයන් ශ්රී ලංකාව තුළින් නිර්මාණය කර ගැනීම උදෙසා රජය හා පුද්ගලික අංශ එක්වී පොදු සැලසුමක් ක්‍රියාත්මක කළ යුතු බව ද අග්‍රාමාත්‍යවරයා පෙන්වා දුන්නේය.
කොච්චර මුදල් අමාරුකම් තිබුණත් මේ නියඟය වෙලාවේදී ජනතාව වෙනුවෙන් රජය විසින් ගත යුතු සියළු තීන්දූ- තීරණ අරන් තියෙනවා යැයි වාරී මාර්ග ජල සම්පත් හා ආපදා කළමණාකරන අමාත්‍යය දුමින්ද දිසානායක මහතා පවසයි.
කොළඹ නගර සීමාවේ කැළි කසල එක් රැස් කිරිම හෙට සිට නතර කිරිමට සිදුවනු ඇති බවත් එයට හේතුව ඉඩම් ගොඩකිරිමේ සහ සංවර්ධනය කිරිමේ සංස්ථාව විසින් කසල භාර නොගැනීම නිසා බව කොළඹ පුරපතිනි රෝසි සේනානායක මහත්මිය පවසයි.
ශ්රී ලංකාව තුල බලය තවදුරටත් විමධ්‍යගත කළ යුතු බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි. අමාත්‍යවරයා මේ බව පැවසුවේ මධ්‍යම පළාත් සභාව සංවිධානය කළ ආයුර්වේද ප්‍රදර්ශණය මහනුවර කැන්ඩි සිටි සෙන්ටර් හිදී පසුගියදා විවෘත කරමින්.
රුපියල අත්‍යන්තයෙන් එන බාල්දු වීම සමහර පැතිවලින් අපට භයානක විදිහට බලපානවා කියන කාරණයක් බව මහානගර හා බස්නාහිර සංවර්ධන අමාත්‍ය පාඨලි චම්පික රණවක මහතා පවසයි.
බලය සහ ධනය මෙහෙයවන තනතුරු ගණනාවක් පසෙක තබා තමා පරිසර අමාත්‍යාංශය තෝරා ගත්තේ මිනිසා ප්රමුඛ සියලු සත්වයින්ට ජීවත්වීමේ අයිතිය තහවුරු කිරීමට බව ජනාධිපති ගරු මෛතී‍්‍රපාල සිරිසේන මහතා පවසයි.
විල්පත්තුව රක්ෂිතය එක අඟලක් වත් කපලවත් එම රක්ෂිත ප්‍රදේශවල ජනතාව පදිංචිකරලවත් නොමැති බවත් තමා එය බය නොමැතිව කියන බව කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා පවසයි.
වාහන වැඩිවීම රටට සුදුසු ප්‍රතිපත්තිය නොවන බවත් රටට සුදුසුම ප්‍රතිපත්තිය වන්නේ පොදු ප්‍රවාහනය දියුණු වීම බව මුදල් රාජ්‍ය අමාත්‍ය ඉරාන් වික්‍රමරත්න මහතා පවසයි. ඒ මහතා TTVnews.lk වෙබ් අඩවිය වෙත අදහස් දක්වමින් කියා සිටියේ රටට දිර්ඝ කාලීනව ප්‍ර යෝජනවත් දෙයක් කිරීමට ඉදිරියේදී කටයුතු කරන බවයි.
කිසිම දේශපාලන සිරකරුවෙක් මේ රටේ නොමැති බවත් ත්රස්තවාදය වැළැක්වීමේ පනත යටතේ අත්අඩංගුවට ගත් සැකකරුවන්ට නඩු පවරා තිබෙනවා බවත් ඔවුන් පිළිබදව අගමැතිවරයාත් විපක්ෂ නායකවරයාත් සමග සාකච්ඡා කර අවශ්‍ය ක්රියාමාර්ග ගෙන තිබෙන බව අධිකරණ හා බන්ධනාගාර ප්රතිසංස්කරණ ඇමතිනි අමාත්‍ය තලතා අතුකෝරළ පවසයි.
