හිටපු ජනපති, විපක්ෂනායක මහින්ද රාජපක්ෂ මහතා තවදුරටත් එක්සත් ජනතා නිදහස් සන්ධානයේ මන්ත්‍රීවරයෙක් ලෙස කටයුතු කරන බව ශ්‍රි ලංකා නිදහස් පක්ෂය කථානායක කරු ජයසූරිය මහතාට ලිපියක් මගින් දන්වා යැවීමට තීරණය කර තිබේ.
ශ්රී ලංකන් එයාර් ලයින්ස් සමාගම, සී/ස ශ්රී ලංකා කේටරිං සමාගම සහ සී/ස මිහින් ලංකා පුද්ගලික සමාගම සම්බන්ධයෙන් සිදු වූ බව පැවසෙන අක්‍රමිකතා පිළිබද සොයා බැලීමට ජනාධිපති මෛත්‍රීපාල සිරිසේන මහතා පත් කළ ජනාධිපති කොමිසමේ නිල කාලය 2019 පෙබරවාරි 15 වනදා දක්වා දීර්ඝ කර තිබේ.
කථානායක කරු ජයසුරිය මහතාගේ ප්‍රධානත්වයෙන් අද පස්වරු 1 රැස්වීමට නියමිතයි. විධායක ජනාධිපති ධුරය අහෝසි කිරිමේ යෝජනාව පිලිබද විවාදය අදත්, පාර්ලිමේන්තුවේදී පැවැත්වේ.
නව අමාත්‍ය මණ්ඩලය අද දිනයේදී දිවුරුම් දෙන බව එක්සත් ජාතික පක්ෂයේ අභ්‍යන්තර තොරතුරු ආරංචි මාර්ග පවසයි. එම ආරංචි මාර්ග කියා සිටියේ අද දිනයේදී අමාත්‍ය මණ්ඩලය පත් කිරීමට සියළු කටයුතු සුදානම් බවයි.
ඉදිරි යල කන්නයේ දී මහවැලි කලාපවල වී නිෂ්පාදනයට සමගාමීව අතිරේක ආහාර බෝග වගාව ප්‍රවර්ධනය කිරීම සදහා පුථල් වැඩසටහනක් ක්‍රියාවට නංවන ලෙස ජනාධිපති මෛත්‍රීපාල සිරිසේන මහතා මහවැලි නිලධාරින්ට උපදෙස් ලබා දී තිබේ.
2019 ඉන්දීය ප්‍රිමියර් ලීග් තරගාවලියට අදාළව ක්‍රීඩක වෙන්දේසියේදී ශ්රී ලංකා පන්දු යවන ක්‍රීඩක ලසිත් මාලිංග ඉන්දීය රුපියල් ලක්ෂ 200 කට වෙන්දේසි කෙරුනා. එය ශ්රී ලංකා මුදලින් රුපියල් කෝටි 4.5කට අධිකයි. ඔහු මිලදී ගනු ලැබුවේ මුම්බායි ඉන්දියන්ස් කණ්ඩායම විසිනුයි.
විපක්ෂ නායකවරයා වශයෙන් එක්සත් ජනතා නිදහස් සන්ධනයේ පාර්ලිමේන්තු මන්ත්‍රී, හිටපු ජනාධිපති මහින්ද රාජපක්ෂ මහතා පත් කර තිබේ. කථානායකවරයා අද (18) පාර්ලිමේන්තුවේදී දැනුම් දීම් සිදු කරමින් කියා සිටියේ ආණ්ඩුවේ ප්‍රධාන සංවිධායක වශයෙන් ගයන්ත කරුණාතිලක හා සභා නායක වශයෙන් ලක්ෂ්මන් කිරිඇල්ල මහතා පත් කර තිබේ.
ශ්රී ලංකා නිදහස් පක්ෂය විපක්ෂය අසුන් ගැනීමට ජනාධිපතිවරයා අතර පැවැති සාකච්ඡාවේදී තීරණය වු බවත් ඒ සඳහා 21 දෙනාම සහභාගී වන බව පාර්ලිමේන්තු මන්ත්‍රී දයාසිරි ජයසේකර මහතා පවසයි.
අමාත්‍ය මණ්ඩලය පත් කරන විට බුද්ධිමත්ව කටයුතු කරන මෙන් පැෆ්රල් සංවිධානය පවසයි. එම සංවිධානය කියා සිටියේ මේ වන විට රටේ පැවති දේශපාලන හා ව්‍යවස්ථා අර්බුධය නිමාකරමින් මේ වන විට අග්රාමාත්යවරයා පත්කර තිබෙන අතරම ඉදිරි දින කිහිපය තුළ අමාත්‍ය මණ්ඩලයද පත්කිරීමට නියමිතය බවයි.
නව අග්රාමාත්ය ධුරයේ රනිල් වික්‍රමසිංහ මහතා දීවුරුම් දීමෙන් අනතුරුව පලමුවරට අද දිනයේදී පාර්ලිමේන්තුව රැස්වේ. පස්වරු 1ට පාර්ලිමේන්තුව රැස් වීමට නියමිත අතර එහිදී නව කැබිනට් මණ්ඩලය මෙතෙක් දිවුරුම් දී නොමැති නිසා ජ්‍යෙෂ්ඨත්වය අනුව අද පාර්ලිමේන්තුවේදී මන්ත්‍රීවරුන්ට අසුන් පැනවීමට තීරණය කර තිබේ.
