රජයට ඉහළ අපනයනයක් ළඟා කර ගැනීම, ප්‍රාදේශීය සහයෝගිතාව වර්ධනය සහ රැකියා නිර්මාණය කිරීම යන අරමුණු රැසක් සාක්ෂාත් කර ගැනීම සඳහා වන පස්අවුරුදු ජාතික උපායමාර්ගික සැලැස්ම ඊයේ (19) අරලියගහ මැදුරේ දී එළි දැක්විය.
අතීතයේ ගෞරවනීය ආයතනයක්ව පැවති පොලිස් විශේෂ කාර්ය බලකාය වර්තමානයේ පිස්සන් කොටුවක් බවට පත්ව ඇති බව අමාත්‍ය ෆීල්ඩ් මාෂල් සරත් ෆොන්සේකා මහතා පවසයි. අමාත්‍යවරයා මේ බව පැවසුවේ පාර්ලිමේන්තුවේ පැවැති විවාදයට එක් වෙමින්.
රට විජාතිකයන්ට පවා දීමෙන් නොනැවතී රාජපක්ෂ ආණ්ඩුව රටේ බුද්ධි අංශ සහ බුද්ධි තොරතුරු පවා විජාතිකයන්ට පවා දුන්න බව අද හෙළි වී අවසන් බව එක්සත් ජාතික පක්ෂයේ මහ ලේකම් අධ්‍යාපන අමාත්‍ය අකිල විරාජ් කාරියවසම් මහතා පවසයි.
ලෝක උරුමයද ආරක්ෂා කරගනිමින් ගාල්ල ජාත්‍යන්තර ක්රිකට් ක්‍රීඩාංගණය ඉදිරියටත් පවත්වාගෙන යාම සඳහා සුදුසු වැඩපිළිවෙලක් සැකසීම ක්රීඩා අමාත්‍යරවයාගේ සහ ක්රිකට් පාලක මණ්ඩලයේ වගකීම බව හිටපු ටෙස්ට් ක්රිකට් නායක අමාත්‍ය අර්ජුන රණතුංග මහතා පවසයි.
යුදමය කටයුතු සඳහා මත්තල ගුවන්තොටුපළ භාවිතා කිරීමට ඉඩ නොදෙන බවත් එය හවුල් ව්‍යාපාරයක් පමණක් බව එහි අදාළ ගිවිසුම අත්සන් කිරීමට පෙර පාර්ලිමේන්තුවට ඉදිරිපත් කරන බව ප්රවාහන හා සිවිල් ගුවන්සේවා අමාත්‍ය නිමල් සිරිපාල ද සිල්වා මහතා පවසයි.
මහින්ද මහත්තයා තාමත් පාඩමක් ඉගෙන ගෙන නොමැති බවත් එදා අපි රාජපක්ෂ කෙනෙක් එපා කියලා කිව්වේ පුද්ගලික තරහකට, වෛරයකට නොවන බවත් රට පවුලකට දෙන්න පුලුවන්කමක් නොමැතිකම නිසාාවෙන් බව ශ්රී ලංකා නිදහස් පක්ෂ ජාතික සංවිධායක අමාත්‍යය දුමින්ද දිසානායක මහතා පවසයි.
මූල්ය අපරාධවලට සම්බන්ධ නොමැති නම් මූල්ය අපරාධ සම්බන්ධයෙන් වන නඩු විභාග කිරීම සදහා ඇති කළ විශේෂ මහාධිකරණවලට කිසිවෙක් බිය විය යුතු නැති බවත් එහි නඩු විභාග කරන්නේ රටේ නීතිය අනුව බවත් විදුලි සංදේශ, ඩිජිටල් යටිතල පහසුකම් හා විදේශ රැකියා නියෝජ්‍ය අමාත්‍ය මනුෂ නානායක්කාර මහතා පවසයි.
දැනට ක්‍රියාත්මක කළුගඟ සංවර්ධන ව්‍යාපෘතිය සඳහා වූ අපේෂිත වියදම බලාපොරොත්තු නොවූ භූවිද්‍යාත්මක තත්වයන් ඇතුලු විවිධ හේතූන් මත ඉහල ගොස් ඇති බැවින් සංවර්ධනය සඳහා වන සෞදි අරමුදල (SFD) අතිරේක ණය මුදලක් ලබා දීමට එකඟ වී තිබේ.
සතොස ආයතනයේ මලුවල තිබූබව කියන හෙරොයින් වලට ආයතනයේ සම්බන්ධයක් නෑ, අවස්ථාවාදී ප්‍රකාශ පිළිකුලෙන් යුතුව බැහැර කරන බව ලංකා සතොස ජ්‍යේෂ්ඨ විධායක නිළධාරී ඒ.එච්.එම්. ෆරාස් මහතා පවසයි. ඒ මහතා මේ බව පැවසුවේ සතොස ප්‍රධාන කාර්යාලයේ අද (18) පැවති මාධ්‍ය හමුවකදිය.
හිටපු අමාත්‍ය සුසිල් ප්‍රේමජයන්ත් මහතා දේශපාලන ජිවිතයෙන් හෙට (19) දිනයේදී සමු ගන්නා බව වාර්තා වේ. ඉතා විශ්වාසානීය ආරංචි මාර්ග කියා සිටියේ ඒ මහතා පවතිව දේශපාලන තත්ත්වය සම්බන්ධයෙන් කලකිරිම් ඇති හෙයින් මෙම තීරණය ගෙන ඇති බවයි.
