තම රටේ ප්‍රදේශ කිහිපයක් පුරා ලැව්ගිනි පැතිර යන අතරතුර නිවාඩුවක් ගතකිරීමට ඇමරිකාවේ හවායි වෙත යෑම සම්බන්ධයෙන් ඔස්ට්‍රේලියා අගමැති ස්‌කොට්‌ මොරිසන් හට දැඩි ජනතා විරෝධතාවයක් මතුවී තිබේ. මේ සමිබන්ධයෙන් ලොව පුරා මාධ්‍යවල ද අවධානය යොමුව තිබුණි. මේ ගැන තමා ජනතාවගෙන් සමාව අයදින බව අගමැතිවරයා පසුව විශේෂ ප්රකාශයක් සිදුකරමින් සඳහන්කර ඇත.
රාජ්‍ය ව්‍යවසාය මණ්ඩල, ව්‍යවස්ථාපිත ආයතන සහ රජය සතු වාණිජ ව්‍යාපාර සඳහා සුදුසකම් සහිත පුද්ගලයින් පත්කිරීම සඳහා නිර්දේශ ඉදිරිපත් කිරීමට පත්කළ සය පුද්ගල කමිටුව විසින්, එක් තනතුරක් සඳහා සුදුසුකම් සහිත පුද්ගලයින් තිදෙනෙකුගේ නම් යෝජනා කර ජනාධිපති ලේකම්වරයාවෙත යවා ඇත. අදාල කමිටුවේ සාමාජික ආචාර්ය නාලක ගොඩහේවා මේ බව සඳහන් කළේය.
දශකයක ට වරක් සිදුවන බවට හඳුනාගෙන ඇති විශේෂිත සුර්යග්‍රහණයක් ලබන 26 වනදා දිවයිනට දිස්වන බව ශ්රී ලංකා ග්‍රහලෝකාගාරයේ තාරකා විද්‍යා ප්‍රදර්ශක නාලක අබේසේකර සඳහන් කරයි.
ඡන්ද කාලේ කියපු සුරංගනා කතා මේ වනවිට ඉටුකරගන්න නොහැකිව ඇති බව පැහැදිලිවම පෙනෙන්නට ඇති බව හිටපු අමාත්‍ය, පාර්ලිමේන්තු මන්ත්‍රී රවී කරුණානායක මහතා පවසයි.
ශ්රී ලංකාවේ ඉදිරි දැක්ම “සෘණාත්මක” ලෙස සංශෝධනය කිරීම සඳහා Fitch Ratings ආයතනය විසින් මෑතක දී කරන ලද ශ්‍රේණිගත කිරීමේ ක්‍රියා මාර්ග ශ්රී ලංකාවේ නව රජය පිහිටුවීමෙන් පසුව ආර්ථික කටයුතුවල සිදු කරන ලද ප්රතිසංස්කරණ පිළිබඳ යථාර්ථය වටහා නොගෙන කඩිමුඩියේ ගෙන ඇති තීරණයක් බව ශ්රී ලංකා රජය අවධාරණය කරයි.
මිලියන 21 ක් වන ශ්රී ලාංකේය ජනතාවට භාවිත කරන්නට ඇත්තේ භාෂා දෙකක් වුවද එකිනෙකා තමතමන්ගේ සහෝදර භාෂාවන් තවමත් හරිහැටි හඳුනාගෙන නැති බවත් මෙය රටක් වශයෙන් අප ලැජ්ජාවට පත්විය යුතු කරුණක් බව අධ්‍යාපන අමාත්‍ය ඩලස් අලහප්පෙරුම මහතා පවසයි.
රු. කෝටි 20,000ක ණය උගුලක සිරවී සිටින ලංකා විදුලිබල මණ්ඩලය ලාභ ලබන ආයතනයක් බවට පත් කිරීමටත්, එම ණය උගුලෙන් ගැලවීමටත් කටයුතු කරන ලෙස නව සභාපති ලෙස පත් වු විජිත හේරත් මහතා විසින් විශයභාර අමාත්‍යවරයා ඉල්ලීමක් කර සිටියේය.
බස්නාහිර, සබරගමුව සහ මධ්‍යම පළාත්වලත් ගාල්ල දිස්ත්‍රික්කයේත් ඇතැම් ස්ථාන වලට මි.මී. 100-150 පමණ තද වැසි ද, නැගෙනහිර, ඌව සහ වයඹ පළාත්වලත් මාතර දිස්ත්‍රික්කයේත් ඇතැම් ස්ථාන වලට මි.මී.75-100 පමණ තරමක් තද වැසි ද ඇතිවිය හැකි බව කාලගුණ විද්‍යා දෙපාර්තමේන්තුව නිවේදනය කරයි.
හිටපු අමාත්‍ය පාඨලි චම්පික රණවක මහතා අත්අඩංගුවට ගැනීම පිළිගත් ප්‍රජාතන්ත්‍ර හා නෛතික සම්ප්‍රදායට පටහැනි බවත් මේ සම්බන්ධයෙන් එක්සත් ජාතික පෙරමුණේ බලවත් විරෝධය හා කනස්සල්ල පල කරන බව එක්සත් ජාතික පෙරමුණේ නායක රනිල් වික්‍රමසිංහ මහතා පවසයි.
ඉන්දියානු නාවික හමුදාපති අද්මිරාල් කරම්බීර් සිං, මෙරට ආරක්ෂක ලේකම් මේජර් ජෙනරාල් කමල් ගුණරත්න මහතා හමුවක් ඊයේ (19) ආරක්ෂක අමාත්‍යංශයේ සිදු විය.
