එක් එක් පුද්ගලයා විසින් සිදු කරනු ලබන විවිධ බල අරගලය තුළ මේ වන විට පාර්ලිමේන්තුව තුළ ඇතිවී තිබෙන යුද්ධය අවසන් කිරීමට සියළු ජනතාව එකතුවී තීන්දුවක් ගත යුතු බව හිටපු ජනාධිපතිනී චන්ද්‍රිකා බණ්ඩාරනායක කුමාරතුංග මහත්මිය පවසයි.
වසර 4 හමාරකට පෙර පාර්ලිමේන්තුව විසුරුවා හැරීමට හැකියාවක් නොමැති බව ඊයේ (13) ශ්‍රේෂ්ඨාධිකරණය විසින් ලබා දුන් තීන්දුව අනුව මේ වන විට අගමැති ධුරය නැවත රනිල් වික්‍රමසිංහ හට ලබා දීමට යම් එකඟතාවයක් පල කර ඇති බව වාර්තා වේ.
තැපැල් දෙපාර්තමේන්තුවේ මුද්දර කාර්යාංශය මඟින් නවවන වතාවට සංවිධානය කරනු ලබන “කොළඹ මුද්දර දැක්ම” මුද්දර අලෙවිපොළ, දෙසැම්බර් මස 14 , 15 සහ 16 යන දිනයන්හිදී පෙ.ව 9.00 සිට ප.ව 6.00 දක්වා, කොළඹ 10 තැපැල් මූලස්ථාන පරිශ්‍රයේදී පැවැත්වීමට නියමිතයි.
ශ්‍රේෂ්ඨාධිකරණයේ හෙට විභාගයට ගැනෙන අභියාචනා පෙත්සම පිළිබඳ තීන්දුවක් ලැබීමෙන් පසු එක්සත් ජනතා නිදහස් සන්ධාන මන්ත්‍රී කණ්ඩායම අද (14) රාත්‍රීයේද රැස්වීමට එහිදී තීරණය කර ඇත.
එක්සත් ජාතික පක්ෂයේ රනිල් වික්‍රමසිංහ මහතා සමඟ යළි ආණ්ඩු පිහිටුවන්නේ නැති බව ජනාධිපති මෛත්‍රිපාල සිරිසේන මහතා පැවසු බව ලක්ෂමන් යාපා අබේගුණවර්ධන මහතා පවසයි. ඒ මහතා මේ බව පැවසුවේ එක්සත් ජනතා නිදහස් සන්ධාන මන්ත්‍රීවරුන්ගේ විශේෂ රැස්වීමක් ජනාධිපති මෛත්‍රීපාල සිරිසේනගේ ප්‍රධානත්වයෙන් ජනාධිපති ලේකම් කාර්යාලයේදී අද පස්වරුවේ පැවැති සාකච්ඡාවෙන් අනතුරුව මාධ්‍ය වෙත අදහස් දක්වමින්.
ජනාධිපතිවරයාට වසර 4 හමරාරක් යන තුරු පාර්ලිමේන්තුව විසුරුවා හැරීමට නොහැකි බවත් එයට බලතල නොමැති බව අගවිනිසුරු නලින් පෙරේරා මහතා තීන්දුව දැනුම් දී තිබේ.
පාර්ලිමේන්තුව විසුරුවා හැරීමට එරෙහිව ගොනුකර තිබූ මූලික අයිතිවාසිකම් පෙත්සම්වල තීන්දුව ප්‍රකාශයට පත් කෙරෙන ශ්‍රේෂ්ඨාධිකරණ සංකීර්ණය අවට සහ රාජ්‍ය මාධ්‍ය ආයතන අවට මේ වනවිට දැඩි ආරක්ෂාවක් යොදවා තිබෙන බව දැක ගන්නට ඇත.
ප්රජාතන්ත්රවාදය, ආණ්ඩුක්‍රම ව්‍යවස්ථාව හා නීතියේ ආධිපත්‍යය ආරක්ෂා කරලීම වෙනුවෙන්, ව්‍යවස්ථා විරෝධී උමතුවට එරෙහිව අප මාතෘභූමියේ සකල විධ බලවේග දියත් කර ඇති අනවරස අරගලය හමුවේ වියරු වැටුණු කණ්ඩායමක් විසින් එක්සත් ජාතික පක්ෂය හා ද්‍රවිඩ ජාතික සංධානය අතර අත්සන් කෙරුණු ගිවසුමක ආකාරයට කූඨ ලේඛනයක් සකස් කර ඇති බව එක්සත් ජාතික පක්ෂය පවසයි.
බ්‍රිතාන්‍ය අගමැතිනි තෙරේසා මේ ගේ පක්ෂ නායකත්වය අභියෝගයට ලක් කරමින් ඉදිරිපත් කළ යෝජනාවෙන් ඇය ජයග්රහණය කර තිබෙන බව විදෙස් මාධ්‍ය වාර්තා කරයි.
පාර්ලිමේන්තුව විසුරුවා හැරීමට එරෙහි පෙත්සම්වල තීන්දුව අද පස්වරු 4 ට ප්‍රකාශයට පත් කරන බව වාර්තා වේ. පෙත්සම් විභාගයට ගත් සත් පුද්ගල විනිසුරු මඩුල්ල විසින් ඊට අදාළ තීන්දුව ලබාදීමට නියමිතව ඇත.
